«Ekinshisi óler aldynda birinshiniń jerleýine qatysqan»: Jambylda birinen soń biri ózine qol jumsaǵan jasóspirimder týraly derek shyqty

Foto: ashyq derekkóz

Jambyl oblysy Baızaq aýdanynyń Túımekent aýylynda eki jasóspirimniń ózderine qatarynan qol salýy kópti eleń etkizdi. Ekeýi bir aýylda, bir kóshede turatyn. Stýdent pen oqýshy bir-birin tanyǵan, oqýshy bala tipti kórshisiniń jerleýine qatysqan. Qazir tergeý egjeı-tegjeıli zerttelip jatyr, biraq resmı nusqaǵa sáıkes, bul eki ólimniń eshqandaı baılanysy joq. Bul týraly qandastar.kz aqparat agenttigi KTK arnasyna silteme jasap habarlaıdy.

26 qazanda Tarazdaǵy kolledjdiń 15 jastaǵy stýdentiniń máıiti baılanys munarasynan tabylǵan. Inisi sol jerden ony óli kúıinde kórdi. Kelesi kúni tańerteń taǵy bir 16 jastaǵy oqýshynyń denesi óz úıiniń qorasynan tabyldy.

Turǵyndardyń aıtýynsha, atalmysh baılanys munarasy jastar arasynda tanymal. Munaranyń qorshalǵan aımaǵyna kirý de ońaı deıdi.

Kórshilerdiń aıtýynsha, eki jigit te kópbalaly otbasydan shyqqan jáne bir kóshede turatyn. Aıtýynsha, eki bala da jaqsy bolǵan, bir-birin jaqsy biletin, jerleýine qatysqan. Biraq aýyl turǵyndary jasóspirimderdiń ne sebepti mundaı qadamǵa barǵanyn túsine alar emes. Tek olardyń bireýi óler aldynda hat jazyp qaldyrǵan degen qaýeset bar.

“Kóz aldymyzda júrgen, kópbalaly otbasydan shyqqan, tárbıeli balalar, qınalyp ósken joq. Jaqsy bala, mektepke bardy, ata-anasyna kómektesti. Men ne bolǵanyn elestete de almaımyn”, – dedi marqumnyń kórshisi Dáýletqul Moldabekov.

Polıeıler ázirge qos qaıǵyly oqıǵanyń jaı-japsaryn ashqan joq. Olar eki jaǵdaıdy da «О́zin-ózi óltirýge ıtermeleý» baby boıynsha tergep jatyr.

“Osy faktiler boıynsha Baızaq aýdandyq ishki ister bóliminiń qyzmetkerleri sotqa deıingi tergeý amaldaryn bastady. Oqıǵanyń egjeı-tegjeıli mán-jaıyn anyqtaý úshin qajet keshendi tergeý sharalary júrgizilip jatyr. Eki oqıǵanyń bir-birimen baılanysy joq, olar bir-birine týys emes”, – dep málimdedi Jambyl oblysy IID baspasóz qyzmetiniń jetekshisi Gúlsara Muhtarqulova.

Qazir aýylda psıholog, pedagog, ınspektorlardan qurylǵan komıssııa jumys isteıdi. Olar aýlalardy aralap, bolǵan oqıǵanyń sebepterin túsinýge tyrysyp júr.

Eske salsaq, buǵan deıin Jambyl oblysyndaǵy bir aýylda eki jasóspirim ózine qol jumsaǵany aıtyldy.