ەكونوميست قازاقستاندىقتاردىڭ جاعدايىن قالاي جاقسارتۋعا بولاتىنىن ايتتى

فوتو: اشىق دەرەككوز

ەكونوميست باۋىرجان ىسقاق ەلىمىزدەگى ەڭ تومەنگى جالاقىنى كوتەرۋ كەرەك دەپ ەسەپتەيدى, دەپ حابارلايدى qandastar.kz

ءتىلشىمىز ساراپشىدان “ەلىمىزدە ەڭ تومەنگى جالاقىنى كوبەيتۋ كەرەك پە?” دەپ سۇرادى.

«كوبەيتۋ كەرەك. ونى ۇنەمى ايتىپ ءجۇرمىن. قازىر ەلىمىزدەگى ەڭ تومەنگى جالاقى حالىقتىڭ تولەم قابىلەتىنە جاۋاپ بەرە المايدى. ەڭ تومەنگى جالاقى – 85 000 تەڭگە. ال ورتاشا جالاقى – 400 000 تەڭگە. الەمدىك تاجىريبەدە ورتاشا جالاقىنىڭ ۇشتەن ءبىر بولىگى ەڭ تومەنگى جالاقى بولۋى كەرەك. سوندا جاڭاعى 400 000 تەڭگەنىڭ ۇشتەن ءبىر بولىگى 130 000-140 000 تەڭگە بولادى. ال بىزدەگى 85 مىڭ ءتىپتى الەمدىك ستاندارتتىڭ وزىنە سايكەس كەلمەي وتىر», — دەپ ايتتى باۋىرجان ىسقاق.

ساراپشىنىڭ پىكىرىنشە, ەلىمىز ەڭ تومەنگى جالاقىنى 85 000 تەڭگەدەن كەم دەگەندە 130 000-140 000 تەڭگەگە دەيىن كوتەرسە, ول 3,5-4 ملن ازاماتتىڭ جالاقىسىنىڭ قازىرگىدەن جوعارى بولۋىنا اسەر ەتەدى. ول ازاماتتاردىڭ تولەم قابىلەتىنە اسەر ەتىپ, ايلىق شىعىندارىنىڭ جارتىسىن جالاقىمەن جابا الاتىنداي جاعدايعا جەتكىزەدى.

«ال بىزدە جالاقىنىڭ 85-90%-ى ءبىزدىڭ ءبىر ايلىق شىعىندارىمىزدان اسىپ كەتىپ جاتىر. ياعني كوممۋنالدىق شىعىن, نەسيە, كيىم-كەشەك, تاماق, ازىق-ت ۇلىككە جۇمسالادى. ءتىپتى كەي جاعدايدا تاپقانىمىز شايلىعىمىزدان دا اسىپ كەتەدى. سول سەبەپتى ورتاشا جالاقىنى ەسەپتەي وتىرىپ, تومەنگى جالاقىنى كوتەرسەك, كەم دەگەندە 3 ملن-عا جۋىق ازاماتتىڭ تولەم قابىلەتىن ارتتىرۋعا مۇمكىندىك الار ەدىك. ال ول ۇلكەن الەۋمەتتىك سۇراق. ال وعان قازاقستانداعى كاسىپورىنداردىڭ سانىن كوبەيتۋ, سالىق سالىناتىن بازانى ارتتىرۋ, وتاندىق تاۋار وندىرۋشىلەردى كوبەيتۋ ارقىلى عانا قول جەتكىزە الامىز», — دەپ سانايدى ەكونوميست باۋىرجان ىسقاق.