Ekonomıst qazaqstandyqtardyń jaǵdaıyn qalaı jaqsartýǵa bolatynyn aıtty

Foto: ashyq derekkóz

Ekonomıst Baýyrjan Ysqaq elimizdegi eń tómengi jalaqyny kóterý kerek dep esepteıdi, dep habarlaıdy qandastar.kz

Tilshimiz sarapshydan “Elimizde eń tómengi jalaqyny kóbeıtý kerek pe?” dep surady.

«Kóbeıtý kerek. Ony únemi aıtyp júrmin. Qazir elimizdegi eń tómengi jalaqy halyqtyń tólem qabiletine jaýap bere almaıdy. Eń tómengi jalaqy – 85 000 teńge. Al ortasha jalaqy – 400 000 teńge. Álemdik tájirıbede ortasha jalaqynyń úshten bir bóligi eń tómengi jalaqy bolýy kerek. Sonda jańaǵy 400 000 teńgeniń úshten bir bóligi 130 000-140 000 teńge bolady. Al bizdegi 85 myń tipti álemdik standarttyń ózine sáıkes kelmeı otyr», — dep aıtty Baýyrjan Ysqaq.

Sarapshynyń pikirinshe, elimiz eń tómengi jalaqyny 85 000 teńgeden kem degende 130 000-140 000 teńgege deıin kóterse, ol 3,5-4 mln azamattyń jalaqysynyń qazirgiden joǵary bolýyna áser etedi. Ol azamattardyń tólem qabiletine áser etip, aılyq shyǵyndarynyń jartysyn jalaqymen jaba alatyndaı jaǵdaıǵa jetkizedi.

«Al bizde jalaqynyń 85-90%-y bizdiń bir aılyq shyǵyndarymyzdan asyp ketip jatyr. Iaǵnı kommýnaldyq shyǵyn, nesıe, kıim-keshek, tamaq, azyq-túlikke jumsalady. Tipti keı jaǵdaıda tapqanymyz shaılyǵymyzdan da asyp ketedi. Sol sebepti ortasha jalaqyny esepteı otyryp, tómengi jalaqyny kótersek, kem degende 3 mln-ǵa jýyq azamattyń tólem qabiletin arttyrýǵa múmkindik alar edik. Al ol úlken áleýmettik suraq. Al oǵan Qazaqstandaǵy kásiporyndardyń sanyn kóbeıtý, salyq salynatyn bazany arttyrý, otandyq taýar óndirýshilerdi kóbeıtý arqyly ǵana qol jetkize alamyz», — dep sanaıdy ekonomıst Baýyrjan Ysqaq.