ەكس-شەنەۋنىك 1,5 ملرد تەڭگە كولەمىندەگى سۋبسيديانى جىمقىرعان

فوتو: اشىق دەرەككوز

ەكس-شەنەۋنىك 1,5 ملرد تەڭگە كولەمىندەگى سۋبسيديانى جىمقىردى دەگەن كۇدىكپەن ۇستالدى, دەپ جازدى qandastar.kz

قارجى مونيتورينگى اگەنتتىگىنىڭ مالىمەتىنشە, ءماسليحاتتىڭ بۇرىنعى دەپۋتاتى ب.ق.ابىشەۆكە جانە باسقا دا ادامدارعا قاتىستى تەرگەۋ ىسىندە جاڭا فاكتىلەر انىقتالدى. تەرگەۋ ناتيجەسىندە بۇرىنعى اۋىل شارۋاشىلىعى مينيسترلىگى دەپارتامەنتىنىڭ ديرەكتورى ب.س.ايمبەتوۆتىڭ 2018-2022 جىلدار ارالىعىندا جامبىل جانە تۇركىستان وبلىستارىندا سۋبسيديا الۋ كەزىندە الاياقتىققا قاتىسى بار ەكەنى انىقتالدى. ابيشەۆ پەن ايمبەتوۆ 29 اۋىلشارۋاشىلىق كووپەراتيۆىنىڭ ەلەكتروندىق تسيفرلىق قولتاڭبالارىن پايدالانىپ, ەليتالىق تۇردەگى تاڭقۋراي كوشەتتەرىنىڭ جالعان جەتكىزىلۋى تۋرالى قۇجاتتاردى قولدانا وتىرىپ, جالپى سوماسى 1,5 ملرد تەڭگە بولاتىن سۋبسيديا العان. تەرگەۋ سوتى ايمبەتوۆكە قاتىستى ەكى ايعا «قاماۋدا ۇستاۋ» شاراسىن سانكتسيالادى.