جاڭالىقتار
ەلدە ءدارى ءوندىرىسى كۇشەيتىلەدى
Roche, Pfizer سىندى الپاۋىت كومپانيالار قازاقستاندا ءوندىرىس ورىندارىن اشۋى مۇمكىن. بۇل تۋرالى ۇكىمەت وتىرىسىندا ايتىلدى.
بىلتىر ەلدەگى فارماتسەۆتيكا نارىعى 1 ترلن تەڭگەگە جۋىقتاعان. سونىڭ نەبارى 144 ملرد تەڭگەسى عانا وتاندىق ءوندىرىستىڭ ۇلەسىندە. وسىعان بايلانىستى ەلدە جاسالاتىن ءدارى-دارمەكتى كوبەيتۋ قولعا الىنباق. ءبىرىنشى كەزەكتە ۇزاقمەرزىمدى شارت جاساسۋ ارقىلى وندىرۋشىلەردى قولداۋ كۇشەيتىلەدى. مينيسترلىك 29 جاڭا ءوندىرىس ورنىن قۇرۋدى پىسىقتاپ جاتىر. Roche, Pfizer سياقتى كومپانيالارمەن شارتقا قول قويىلدى. ال AstraZeneca ينۆەستيتسيالىق جوباسى ءالى قارالىپ جاتىر. سونداي-اق Philips جانە GE HealthCare كومپانيالارىنىڭ دا وسىنداي نيەتى بار.
