ELDE PAPILLOMA VIRÝSYNA QARSY EKPE EGÝ NAÝQANY BASTALADY

Osy kúzde elde papılloma vırýsyna qarsy ekpe egý naýqany bastalady. Bul shara ımmýndaý jónindegi ulttyq josparǵa da engiziledi dep kútilýde. Ekpe qyzdarǵa tek ata-analarynyń ruqsatymen ǵana egiledi.

Immýndaý sharasyna Densaýlyq saqtaý mınıstrligi amerıkalyq 4 valentti «Gardasıl» vakınasyn satyp alýdy josparlap otyr.

«Jalpy Qazaqstanda jyl saıyn jatyr moıyny obyry saldarynan 600 áıel kóz jumady. Qaterli isiktiń paıda bolýyna osy adam papılloma vırýsy basty sebepker», — deıdi dárigerler. Zaıtýna Hamıdýllına, qalalyq densaýlyq saqtaý basqarmasynyń shtattan tys bas akýsher-gınekology: — Vakına bizge jatyr moıyny obyrynyń aldyn alýǵa kómektesedi. Eger qyzdar adam papılloma vırýsyna shaldyqsa, ol eshbir ádispen emdelmeıdi. Sondyqtan osy ekpe arqyly onyń aldyn alǵan mańyzdy. Immýndaý kezinde 9 ben 14 jas aralyǵyndaǵy qyzdardy vakınaııalaý josparlanǵan. Ol tegin bolady.