جاڭالىقتار
ەلدەگى سۋ قويمالارىنداعى احۋال
ەلدەگى سۋ قويمالارىنداعى احۋالعا توقتالساق: قوستاناي وبلىسىنداعى ەكى ءىرى سۋ قويماسى ورتا ەسەپپەن 93%-عا تولدى. قازىر وندا سۋ اعىنى تومەندەپ جاتىر. ال سولتۇستىك قازاقستانداعى سۋ قويمالارى 100%-عا تولعان, ەسىل وزەنىنە سۋ اعىنىنىڭ قارقىنى باسەڭدەگەنى بايقالادى. سونداي-اق, اقمولا, اقتوبە, قاراعاندى وبلىستارىندا سۋ تاسقىنىنىڭ بەلسەندى كەزەڭى اياقتالدى. بۇل جايىندا سۋ رەسۋرستارى جانە يرريگاتسيا مينيسترلىگىنىڭ رەسمي كىلى ءمولدىر ابدۋاليەۆا بريفينگتە باياندادى. جايىق وزەنىندە سۋ تاسقىنىنىڭ ەكىنشى تولقىنى كۇتىلىپ وتىر. رەسەي اۋماعىنان سۋدىڭ كەلۋ قارقىنى باسەڭدەگەن.
ال شىعىس قازاقستانداعى 5 ءىرى سۋ قويماسى 62%-عا تولعان. ءمولدىر ابدۋاليەۆا, قر سۋ رەسۋرستارى جانە يرريگاتسيا مينيسترلىگىنىڭ رەسمي وكىلى: — بارلىق نىسانداردا تاۋلىك بويعى كەزەكشىلىك جالعاسادى. جانە ساعات سايىن مونيتورينگ جۇرگىزىلەدى. مينيسترلىك ماماندارى تۇراقتى تۇردە وبەكتىلەردى تەكسەرىپ, تاسقىن سۋىن قاۋىپىسىز وتكىزۋ, وزەەن اعىنىن رەتتەۋ جانە ەىگەن قار سۋنى سۋ قويمالارىنا جيناۋ بويىنشا جۇمىستاردى جەكە قاداعالايتىندارىن اتاپ وتەمىن.
