Eldiń klımaty jel elektr stanııalaryn salýǵa qolaıly – Almasadam Sátqalıev

Qazaqstan jańartylatyn energııa kózderi sektoryn damytýda aıtarlyqtaı áleýetke ıe. Bul týraly Energetıka mınıstri Almasadam Sátqalıev aıtty,

«Jer kólemi jaǵynan álemde toǵyzynshy oryn alatyn Qazaqstan jańartylatyn energııa kózderi sektoryn damytý úshin aıtarlyqtaı áleýetke ıe. Eldiń keń aýmaǵy jel, kún jáne gıdroenergetıkany damytýdyń, zamanaýı tehnologııalardy engizýdiń jáne ornyqty damýdyń joǵary áleýetine ıe. Respýblıkada taıaý ýaqytta jel generaııasyn damytý boıynsha álemde kóshbasshy pozıııaǵa ıe bolýdyń barlyq múmkindigi bar», — dedi vedomstvo basshysy Senatta ótken Parlamenttik komıssııa otyrysynda.

Sózinshe, Qazaqstanyń klımaty jel elektr stanııalaryn salýǵa qolaıly.

«Saraptamalyq baǵalaýlarǵa sáıkes, eldegi jel energetıkasynyń energetıkalyq áleýeti jylyna keminde 920 mlrd kVt/saǵ quraıdy. Bul rette Kaspıı óńiri, ońtústik óńir, sondaı-aq eldiń ońtústik-shyǵysynda ornalasqan Shelek dálizi men Jońǵar qaqpasy jel energııasynyń eń joǵary áleýetine ıe», — dep jalǵastyrdy Sátqalıev.

Budan basqa mınıstr kún energııasynyń áleýetine de toqtaldy.

«Eldiń ońtústik aımaqtarynda bul jylyna shamamen 2200-3000 kún saǵaty. Kún generaııasyn ornalastyrýdyń eń qolaıly aýdandaryna Aral óńiri men Qazaqstannyń ońtústik oblystary jatady», — dedi Energetıka mınıstri Almasadam Sátqalıev.