«Elge kirýge tyıym salynar edi»: Azamattyǵyn aýystyrǵan qazaq qyzy jelini shýlatty

Foto: áleýmettik jeliden

Áleýmettik jelide Aıda esimdi qazaq qyzy Qazaqstan azamattyǵynan bas tartyp, AQSh azamattyǵyn alǵanyn aıtyp, jazba jarııalady, dep habarlaıdy qandastar.kz. 

«Maǵan da ońaı bolǵan joq. Biraq menińshe, Qazaqstan árbir jaǵdaıdy jeke qarap, qos azamattyqty ruqsat etýi kerek, ásirese kórshiles emes, alys eldermen.Men Otanyn súıetin, shetelde tájirıbe jınap, ony qazaq jastaryna jetkizgisi keletin adammyn. Azamattyqtan bas tartpasam, zań boıynsha maǵan aıyppul salynyp, elge kirýge tyıym salynar edi.О́kinishtisi — memleket bir salyq tóleýshiden aıyrylyp otyr. Kaspi aýdarymdaryn baqylaǵannan góri, qos azamattyqty jeke qarastyrǵan durys. Men elge kómektesýge daıynmyn», — dep jazdy ol.

Sondaı-aq, ol qujat ózgerse de, ult ózgermeıtinin aıtty.

«Qazaqstan azamattyǵynan bas tartqan kúnim… Qujat ózgerse de, ult ózgermeıdi. Meniń júregim men janym – máńgi qazaq!», — dep jazdy qazaq qyzy.

Alaıda onyń jazbasy kópshilik talqysyna túsip, túrli pikirler jazyldy. Biri onyń AQSh azamaty bolǵanyn quttyqtasa, endi biri ashýlanyp pikir qaldyrǵan.