ەلىمىزدە 1 ايعا جۋىق ازىق-ت ۇلىك باعاسى وزگەرمەدى

قازاقستاندا ءتورت اپتا بويى الەۋمەتتىك ماڭىزى بار ازىق-ت ۇلىك تاۋارلارىنىڭ باعاسى تۇراقتى ساقتالدى, دەپ حابارلايدى Qandastar.kz.

بۇل تۋرالى BAQ.KZ جازدى.

اتالعان اقپارات پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعاريننىڭ توراعالىعىمەن وتكەن ينفلياتسياعا قارسى شارالار جونىندەگى كەڭەستە ايتىلدى.

ۇلتتىق ەكونوميكا ءبىرىنشى ۆيتسە-ءمينيسترى ازامات ءامريننىڭ مالىمەتىنشە, تامىز ايىندا جىلدىق ينفلياتسيا 12,2%-عا جەتكەن. ەڭ جوعارى ءوسىم قاراعاندى (14,4%), ۇلىتاۋ (13,6%) جانە اقمولا (13%) وبلىستارىندا, سونداي-اق استانا (12,8%) مەن الماتىدا (12,7%) تىركەلدى.

ينفلياتسياعا ەڭ كوپ اسەر ەتكەن سەكتورلار – اقىلى قىزمەتتەر. اتاپ ايتقاندا, كوممۋنالدىق قىزمەتتەر 2,9%-عا, كولىك 1,7%-عا, دەنساۋلىق ساقتاۋ سالاسى 0,9%-عا قىمباتتاعان. ال كەيبىر تاۋارلار, مىسالى توڭازىتقىشتار مەن گاز پليتالارى ارزانداعان.

ازىق-ت ۇلىك ينفلياتسياسى بيىلعى ەكىنشى توقساننان بەرى ەكى ەسە باياۋلاعان. تامىزدا بۇل كورسەتكىش 0,5% عانا بولدى. الەۋمەتتىك ماڭىزى بار تاۋارلار باعاسىنىڭ تۇراقتانۋى ولاردىڭ يندەكسىن جىل باسىنان بەرى العاش رەت 7,8%-عا دەيىن تومەندەتۋگە مۇمكىندىك بەرگەن.

ساۋدا جانە ينتەگراتسيا ءبىرىنشى ۆيتسە-ءمينيسترى ايجان بيجانوۆانىڭ ايتۋىنشا, باعانىڭ تۇراقتاۋىنا وندىرۋشىلەرمەن جاسالعان كەلىسىمدەر جانە كەيبىر ونىمدەردىڭ ارزانداۋى سەبەپ بولدى. اپتا ىشىندە كوكونىستەر مەن كۇرىش ارزانداپ, قانت باعاسى تومەندەگەن. ال تۇز بەن كۇنباعىس مايى باعاسىنىڭ ءوسۋى باسەڭدەگەن.