Elimizde 1 shildeden bastap ne ózgeredi?

Gaz, temeki, ınternet qymbattady,-dep habarlaıdy Qandastar.kz

Gaz qymbattady

Energetıka mınıstrliginiń málimetinshe, reseılik baǵaǵa jaqyndatý úshin gaz qunyna túzetý engizildi.

«Suıytylǵan munaı gazynyń bir tonnasy úshin shekti kóterme baǵa 45 158 teńge bolady (buryn – 40 320 teńge). Bul rette shekti bólshek saýda baǵasy óńirge baılanysty lıtrine 5-ten 8 teńgege deıin azdap ósedi», – dep habarlady vedomstvo.

Energetıka mınıstrligi sondaı-aq taýarlyq gaz baǵasynyń kóterilýi tutynýshylarǵa azdap áser etetinin atap ótti. Orta eseppen jeke úıge arnalǵan shyǵyn aıyna shamamen 1080 teńge, páter úshin – 130 teńge bolady.

Internet qymbattady

«Qazaqtelekom» kóbirek tóleýge týra keletin tarıfterdiń tolyq tizimin resmı saıtynda jarııalady.

О́sim úıdegi ınternetke jáne 50-den astam tarıfke áser etedi. Eń tómengi baǵa – 5999, eń joǵarǵy baǵa – 10 999 teńge bolady.

Temeki taǵy qymbattady

Fıltrli, fıltrsiz sıgaretterge, papırostarǵa, sıgarıllalarǵa jáne qyzdyrylatyn temekisi bar buıymdarǵa eń tómen bólshek saýda baǵasyn mynadaı mólsherde belgilendi:

2023 jylǵy 1 shildeden bastap 2023 jylǵy 31 jeltoqsandy qosa alǵanda 710 teńge;

2024 jylǵy 1 qańtardan bastap 770 teńge.

Dári-dármek qymbattady

1 shildeden bastap elimizde farmaevtıkalyq preparattardy mindetti túrde tańbalaý týraly ereje kúshine endi. Osyǵan baılanysty dári-dármek 5% qymbattaıdy.

Endi dárihanalar 3700-den astam preparattyń baǵasyn ózi belgileıdi.