ەلىمىزدە 20 مىڭعا جۋىق ازامات اسكەرگە بارۋدان قاشىپ ءجۇر

فوتو: اشىق دەرەككوز

اسكەردەن قاشۋ فاكتىلەرىنە قاتىستى اكىمشىلىك جانە قىلمىستىق جاۋاپكەرشىلىك قاراستىرىلعان, دەپ جازادى qandastar.kz turkistan.kz-كە سىلتەمە جاساپ.

2024 جىلعى كوكتەمگى اسكەرگە شاقىرۋ ناۋقانى كەزىندە قازاقستاندا 20 مىڭعا جۋىق جاس ازامات اسكەرگە بارۋدان باس تارتقان. كەلگەن شاقىرۋ قاعازدارىن ەلەمەي جۇرگەن جاستار سانى ارتىپ كەلەدى. وسىعان بايلانىستى, قۇقىق قورعاۋ ورگاندارى تۇنگى رەيدتەر ۇيىمداستىرىپ, كوشەلەر مەن قوعامدىق ورىنداردا جاستاردى اسكەرگە شاقىرىپ, شارا قولدانىپ ءجۇر, دەپ حابارلادى turkystan.kz «استانا» ارناسىنا سىلتەمە جاساپ.قورعانىس مينيسترلىگىنىڭ وكىلدەرى وتان الدىنداعى بورىشىن وتەۋدەن قاشاتىن جاستاردىڭ سانىنىڭ ازايىپ كەلە جاتقانىن ايتقانىمەن, بۇل پروبلەما ءالى دە بار ەكەنىن جوققا شىعارمايدى. اسكەردەن قاشۋ فاكتىلەرىنە قاتىستى اكىمشىلىك جانە قىلمىستىق جاۋاپكەرشىلىك قاراستىرىلعان.

«رەيدتەر زاڭ اياسىندا جۇرگىزىلەدى. اسكەري باسقارۋ ورگاندارى شاقىرۋ قاعازىن تاپسىرا الماعان جاعدايدا, بۇل ءىس جەرگىلىكتى ىشكى ىستەر ورگاندارىنا بەرىلەدى. كوشەلەردە, قوعامدىق ورىنداردا اسكەرگە بارۋدان جالتارعانداردى انىقتاۋ ءۇشىن رەيدتەر وتكىزۋ — زاڭدى شارا», — دەدى قر قارۋلى كۇشتەرى باس شتابى ۇيىمداستىرۋ-جۇمىلدىرۋ جۇمىسى دەپارتامەنتى باستىعىنىڭ ورىنباسارى فارحات ايدارباەۆ.

ايتا كەتۋ كەرەك, بيىل قازاقستاندا اسكەر قاتارىنا 40 مىڭ ادامدى شاقىرۋ جوسپارلانىپ وتىر.