Elimizde 20 myńǵa jýyq azamat áskerge barýdan qashyp júr

Foto: ashyq derekkóz

Áskerden qashý faktilerine qatysty ákimshilik jáne qylmystyq jaýapkershilik qarastyrylǵan, dep jazady qandastar.kz turkistan.kz-ke silteme jasap.

2024 jylǵy kóktemgi áskerge shaqyrý naýqany kezinde Qazaqstanda 20 myńǵa jýyq jas azamat áskerge barýdan bas tartqan. Kelgen shaqyrý qaǵazdaryn elemeı júrgen jastar sany artyp keledi. Osyǵan baılanysty, quqyq qorǵaý organdary túngi reıdter uıymdastyryp, kósheler men qoǵamdyq oryndarda jastardy áskerge shaqyryp, shara qoldanyp júr, dep habarlady turkystan.kz «Astana» arnasyna silteme jasap.Qorǵanys mınıstrliginiń ókilderi Otan aldyndaǵy boryshyn óteýden qashatyn jastardyń sanynyń azaıyp kele jatqanyn aıtqanymen, bul problema áli de bar ekenin joqqa shyǵarmaıdy. Áskerden qashý faktilerine qatysty ákimshilik jáne qylmystyq jaýapkershilik qarastyrylǵan.

«Reıdter zań aıasynda júrgiziledi. Áskerı basqarý organdary shaqyrý qaǵazyn tapsyra almaǵan jaǵdaıda, bul is jergilikti ishki ister organdaryna beriledi. Kóshelerde, qoǵamdyq oryndarda áskerge barýdan jaltarǵandardy anyqtaý úshin reıdter ótkizý — zańdy shara», — dedi QR Qarýly kúshteri Bas shtaby uıymdastyrý-jumyldyrý jumysy departamenti bastyǵynyń orynbasary Farhat Aıdarbaev.

Aıta ketý kerek, bıyl Qazaqstanda ásker qataryna 40 myń adamdy shaqyrý josparlanyp otyr.