ەلىمىزدە 297 ينۆەستيتسيالىق جوبا ىسكە اسادى

بيىل وتاندىق ءتۋريزمدى دامىتۋعا 433 ميلليارد تەڭگە ءبولىندى. وسى باعىتتا 297 ينۆەستيتسيالىق جوبا ىسكە اسىرىلادى.

بۇل جونىندە قر تۋريزم جانە سپورت مينيسترلىگى تۋريزم يندۋسترياسى كوميتەتىنىڭ توراعاسى نۇرتاس كارىپباەۆ بريفينگتە ايتتى. سونداي-اق 3200-دەن اسا تۇراقتى, 4,5 مىڭعا جۋىق ۋاقىتشا جۇمىس ورنىن قۇرۋ كوزدەلگەن.

كوميتەت توراعاسىنىڭ ايتۋىنشا, جىل سوڭىنا دەيىن جالپى سوماسى 246 ميلليارد تەڭگەگە 148 جوبانى اياقتاۋ جوسپارلانعان. نۇرتاس كارىپباەۆ, قر تۋريزم جانە سپورت مينيسترلىگى تۋريزم يندۋسترياسى كوميتەتىنىڭ توراعاسى: – استانادا دۇنيەجۇزىلىك كوشپەندىلەر ويىندارى, شىمكەنتتە گاسترانوميالىق فەستيۆال, الماتى وبلىسىندا شارلار فەستيۆالى, وڭىرلەردە ءباسپاسوز وتكىزۋ جوسپارلانىپ وتىر.

ەلىمىزدىڭ تۋريستىك الەۋەتىن ىلگەرىلەتۋ ماقساتىندا قازاقستان بەرلين, دۋباي جانە شانحايداعى ءىرى جارمەڭكەلەردە تانىستىرىلدى. سونىمەن قاتار قازاقستاندى حالىقارالىق ءىرى پلاتفورمالار اتاپ ءوتىپ جاتىر.