ەلىمىزدە 500-گە جۋىق كوشەگە قازاقستان قاھارماندارىنىڭ ەسىمى بەرىلەتىن بولدى

ء«بىز جەڭىستىڭ 80 جىلدىعىن اتاپ وتۋگە باسا نازار اۋداردىق, ەلىمىز بويىنشا مىڭداعان ماڭىزدى, اۋقىمى كەڭ ءىس-شارا وتكىزىلىپ جاتىر. 500-گە جۋىق كوشەگە قازاقستان قاھارماندارىنىڭ ەسىمى بەرىلەتىن بولدى. ەلىمىزدە قازاقستاندىق مايدانگەرلەرگە ارنالعان «باتىرلارعا تاعزىم» اتتى شەرۋ وتەدى. ادامزات تاريحىنداعى ەڭ سۇراپىل سوعىسقا قاتىسۋشىلاردىڭ ۇرپاعى اتالارىنىڭ سۋرەتتەرىن كوشەلەرمەن الىپ جۇرەدى. بۇگىنگىدەي جاھاندىق ساياساتقا اگرەسسيا مەن قاتىگەزدىكتىڭ جەگى قۇرتى دەندەپ ەنگەن كەزەڭدە سوعىستىڭ قاسىرەتىن ەلىمىزدىڭ بارشا ازاماتىنا ءتۇسىندىرۋ اسا ماڭىزدى».

Zakon.kz جازعانداي,  اقيقاتتى تانىماي بەيبىتشىلىكتىڭ قادىرىن ءبىلۋ مۇمكىن ەمەس.

«سوعىستىڭ تاريحي اقيقاتىن, ۇلى جەڭىستىڭ ءمان-ماعىناسىن قاساقانا بۇرمالاۋعا جول بەرۋگە بولمايدى. قازىرگى قۇبىلمالى زاماندا قازاقستان ءۇشىن ەڭ باستى ماقسات – ۇلت مۇددەسىن قورعاۋ. سىرتقى ساياساتىمىز وسى ماقساتتى قامتاماسىز ەتۋ ءۇشىن جۇرگىزىلىپ جاتىر. قازاق حالقى – بەيبىت حالىق. «جانىم – ارىمنىڭ ساداعاسى» دەگەن ءور نامىستى, ايبارلى ەل», — دەيدى پرزەيدەنت.