Елімізде ауыл шаруашылығы техникасы паркінің 75%-дан астамы тозған

Ауыл шаруашылығы техникасының тозуы өткір проблема күйінде қалып отыр. Бұл туралы Премьер-Министр Олжас Бектенов Үкімет отырысында айтты,

«Қазіргі таңда жалпы техника паркінің шамамен 75%-дан астамының тозығы жеткен. Бұл мәселе де тиісті шешімді талап етеді. Диқандардың жаңа техниканы сатып алуын жеңілдетіп, сыбайлас жемқорлық тәуекелдерін азайту қажет. Аталған мәселені шешу үшін фермердің өзі төлеп келген алғашқы 15% жарнаның орнына тікелей лизингтік компанияға инвестициялық субсидия салынуға тиіс», — деді ведомство басшысы.