ەلىمىزدە ءدارى-دارمەك باعاسى قىمباتتاي ما? – مينيستر جاۋابى

اقمارال ءالنازاروۆا:

«وسى ۋاقىتقا دەيىن دەنساۋلىق ساقتاۋ مينيسترلىگى ءوز تاراپىنان بارلىق ءدارى-دارمەكتىڭ باعاسىنا ءتيىستى ساراپتاما جۇرگىزىپ, ولاردىڭ جوعارعى شەكتى باعاسىن رەتتەپ وتىردى.

ەمحانالار مەن بيزنەس تاراپىنان باعانى شەكتەمەۋ ماسەلەسى تۋرالى بىرنەشە رەت (ماسەلە) كوتەرىلىپ, مونوپولياعا قارسى اگەنتتىكتىڭ شەشىمىمەن ەكى-ءۇش كەزەڭدە بارلىعىنا جاپپاي باعانى رەتتەۋ تارتىبىنەن دسم كەتۋى كەرەك دەگەن ماسەلە كوتەرىلگەن. بىلتىر العاش رەت 303 پرەپاراتقا نەمەسە 4 جانە ودان دا جوعارى ساۋدا اتاۋى بار ءدارى-دارمەكتەرگە باعا جىبەرىلدى. وتكەن جىلدىڭ قورىتىندىسىمەن ولاردىڭ ورتاشا باعاسىنىڭ ءوسۋى 14-15 پايىز بولدى. سوندىقتان بيىل 1728 پرەپاراتقا باعانى بوساتۋ ءتارتىبى ەنگىزىلگەن.

الايدا ءبىز بۇل جۇمىستى ءتيىستى ساراپتاۋ جۇرگىزگەننەن كەيىن باستاماۋ تۋرالى شەشتىك. بۇل جۇمىستى كەزەڭ-كەزەڭمەن جىبەرۋ ماسەلەسىن ەكىنشى جارتىجىلدىقتان كورەمىز دەگەن جوسپار بار», — دەدى اقمارال ءالنازاروۆا.