جاڭالىقتار
ەلىمىزدە قانداي دارىگەرلەر تاپشى?
فوتو: اشىق دەرەككوز
2024 جىلى دارىگەرلەردىڭ تاپشىلىعى 19%-عا, ياعني 4 864-تەن 3 954 مامانعا دەيىن قىسقارعان, ال ورتا مەديتسينا قىزمەتكەرلەرىنىڭ تاپشىلىعى 7%-عا, ياعني 4 820-دان 4 505-كە دەيىن تومەندەگەن. بۇل تۋرالى دەنساۋلىق ساقتاۋ مينيسترلىگىنىڭ القا وتىرىسىندا ايتىلدى, – دەپ حابارلايدى qandastar.kz
ەڭ تاپشى مامانداردىڭ تىزىمىندە تەراپەۆتتەر, جالپى پراكتيكا دارىگەرلەرى, اكۋشەر-گينەكولوگتار, انەستەزيولوگتار-رەانيماتولوگتار, حيرۋرگتار مەن پەدياترلار بولىپ تۇر.
دەنساۋلىق ساقتاۋ سالاسىنىڭ كادرلىق رەسۋرستارىن زاڭنامالىق دەڭگەيدە بەكىتۋ ماقساتىندا اۋىلدا الەۋمەتتىك قولداۋ شارالارى قابىلداندى. بۇگىنگى تاڭدا وتكىر تاپشى ماماندىقتار بويىنشا 207 مەديتسينا قىزمەتكەرىنە بىرجولعى تولەمدەر جۇرگىزىلدى, – دەگەن اقپارات ايتىلدى القا وتىرىسىندا.
سونىمەن قاتار, تۇراقتى جۇمىس ورنىنا كەلگەن 544 دارىگەر, ونىڭ ىشىندە 2024 جىلعى 226 تۇلەك الەۋمەتتىك قولداۋ شارالارىن الدى.
مەديتسينا قىزمەتكەرلەرىن, ونىڭ شەڭبەرىندە 164 مىڭ ماماندى قۇقىقتىق قورعاۋ ماقساتىندا كاسىبي جاۋاپكەرشىلىكتى ساقتاندىرۋ تۋرالى زاڭ قابىلداندى.
دەنساۋلىق ساقتاۋ مينيسترلىگى ارنايى مامانداردى دايارلاۋعا كۆوتالاردى 1500-دەن 2500 ورىنعا دەيىن ۇلعايتتى جانە مامانداردى وڭىرلەر بويىنشا بىركەلكى ءبولۋ ءۇشىن كادرلاردى ەسەپكە الۋدىڭ ۇلتتىق جۇيەسىن (كەج 2.0) ەنگىزۋدە.
