قارجى جانە تولەمدەر
ەلىمىزدە كارتوپ ەكسپورتىنا تىيىم سالىندى
فوتو: ۆلاديمير استاپكوۆيچ
قازاقستان كارتوپ ەكسپورتىنا تىيىم سالدى, دەپ جازدى qandastar.kz
ەل اۋماعىنان ءۇشىنشى ەلدەرگە كارتوپتى ەكسپورتتاۋعا 6 اي مەرزىمگە شەكتەۋ ەنگىزىلدى. ءتيىستى تىيىم ەۋرازيالىق ەكونوميكالىق وداق ەلدەرىنە قولدانىلمايدى. اۋىل شارۋاشىلىعى مينيسترلىگىنىڭ مالىمەتىنە سۇيەنسەك, كورشىلەس مەملەكەتتەر تاراپىنان وتاندىق ونىمگە دەگەن جوعارى سۇرانىس ساقتالىپ وتىر. بىلتىر 605 مىڭ تونناعا جۋىق كارتوپ ەكسپورتتالعان. بۇل 2023 جىلعى كورسەتكىشتەن 1,5 ەسە جوعارى. بۇدان بولەك سوڭعى 10 جىلدا كارتوپقا دەگەن سۇرانىس رەكوردتىق دەڭگەيگە جەتكەنى دە ايتىلعان.
«قابىلدانعان شارالار كارتوپ باعاسىنىڭ الىپساتارلىق جولمەن وسۋىنە جانە نارىق قاتىسۋشىلارى تاراپىنان سپەكۋلياتيۆتى ارەكەتتەرگە جول بەرمەۋگە مۇمكىندىك بەرەدى», – دەپ ءتۇسىندىردى اشم.
