ەلىمىزدە كولىك تىركەۋ قىزمەتى ۋاقىتشا توقتاتىلادى

بۇل قىزمەت ءتۇرى ەلەكتروندىق ۇكىمەت پورتالىندا دا قول جەتىمدى بولمايدى.

«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قوعاممەن بايلانىس ءبولىمىنىڭ ديرەكتورى مۇرات جۇمانبايدىڭ Facebook پاراقشاسىنا سىلتەمە جاساپ. «قۇرمەتتى كولىك يەلەرى! 2019 جىلدىڭ 23 قىركۇيەگىندە قازاقستان رەسپۋبليكاسى ىشكى ىستەر مينيسترلىگىنىڭ دەرەكتەر بازاسىنداعى تەحنيكالىق جۇمىستارعا بايلانىستى كولىك قۇرالدارىن تىركەۋ جانە قايتا تىركەۋ بويىنشا مامانداندىرىلعان حالىققا قىزمەت كورسەتۋ ورتالىقتارىندا قۇجاتتاردى قابىلداۋ ساعات 10.30-دان 12.30-عا دەيىن جانە 17.00-دەن 19.00-گە دەيىن توقتاتىلادى. تۇسىنىستىكپەن قاراۋدى سۇرايمىز», — دەلىنگەن حابارلامادا. ايتا كەتەيىك, ءدال وسى قىزمەت ءتۇرى وسى ۋاقىت ارالىعىندا ەلەكتروندىق ۇكىمەت پورتالىندا دا قولجەتىمدى بولمايدى.

دەرەككوز: inform.kz