ەلىمىزدە كوممۋنالدىق قىزمەت اقىسى قىمباتتايدى

فوتو: اشىق دەرەككوز

ەلىمىزدە كوممۋنالدىق قىزمەت اقىسى قىمباتتايدى, دەپ جازدى qandastar.kz

ۇلتتىق ەكونوميكا ۆيتسە-ءمينيسترى ارمان قاسەنوۆ ءوسىم حالىقتىڭ قالتاسىن قاتتى قاقپايدى دەپ وتىر. سونداي-اق بۇل ينفلياتسياعا ايتارلىقتاي اسەر ەتپەيتىنىنە سەندىردى.

«تاريفتەردىڭ ءوسۋى ەڭ تومەنگى دەڭگەيدە, اقىلعا قونىمدى شەكتە بولادى. ءبىز ينۆەستيتسيالىق باعدارلامانى ورىندايمىز, بىراق ونى ىسكە اسىرۋ 20 جىلعا دەيىن سوزىلادى. بارلىق ەسەپتەۋلەر جۇرگىزىلدى. بۇل بولجام ەمەس, تالداۋدىڭ ناتيجەلەرى», – دەدى ۆيتسە-مينيستر.

كوممۋنالدىق تاريفتەر قالاي وزگەرەتىنى ءازىر بەلگىسىز. بۇل ءاربىر قىزمەت جەتكىزۋشىگە بايلانىستى بولماق.