ەلىمىزدە كرەماتوري جانە كولۋمباري پايدا بولادى

فوتو: اشىق دەرەككوز

دەنساۋلىق ساقتاۋ مينيسترلىگى «زيراتتار مەن جەرلەۋ وبەكتىلەرىنە قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارىنا تولىقتىرۋلاردى كوزدەيتىن تۇزەتۋلەر دايىندادى, دەپ جازدى qandastar.kz

«كولۋمباريلەر مەن قايتىس بولعان ادامداردىڭ ك ۇلى بار ۋرنالاردى جەرلەۋگە ارنالعان قايعى قابىرعالارىن ارنايى بولىنگەن جەر ۋچاسكەلەرىنە ورنالاستىرىلۋى كەرەك. كولۋمباريلەر مەن قايعى قابىرعالارىن زيراتتار اۋماعىنان تىس جەرلەردە تۇرعىن ۇيلەردەن, ەمدەۋ, بالالار, ءبىلىم بەرۋ, سپورتتىق-ساۋىقتىرۋ, مادەني-اعارتۋ مەكەمەلەرىنىڭ, باۋ-باقشا سەرىكتەستىكتەرىنىڭ, كوتتەدجدىك قۇرىلىستاردىڭ, حالىقتى الەۋمەتتىك قامسىزداندىرۋ مەكەمەلەرىنىڭ اۋماقتارىنان كەمىندە 50 م قاشىقتىقتا وقشاۋلانعان جەر ۋچاسكەلەرىندە ورنالاستىرۋعا جول بەرىلەدى. كرەماتسيادان كەيىنگى قالدىقتاردى (كۇلدى) ۋرنالارعا كومۋگە كولۋمباريلەردە جانە قابىرلەردە جول بەرىلەدى», — دەلىنگەن قۇجاتتا.

كرەماتوريلەر جانە كولۋمباريلەر قۇرامىندا ءۇي-جايلاردىڭ مىناداي توپتارى كوزدەلەدى:

1) قايتىس بولعان ادامداردى تامبۋرمەن, ۆەستيبيۋلمەن, توڭازىتقىش كامەرامەن قابىلداۋ ءۇي-جايلارى جانە قايتىس بولعان ادامداردى كرەماتسيالاۋعا دەيىن ساقتاۋعا ارنالعان ءۇي-جايلار;

2) قايتىس بولعان ادامداردى كرەماتسيالاۋعا, كرەماتسيا زالى, كرەماتسيالانعان قالدىقتاردى وڭدەۋ ءۇي-جايى, ك ۇلى بار ۋرنالار قويماسى جانە ت.ب. ارنالعان ءۇي-جايلار.

كرەماتوريلەردەگى كرەماتسيالىق پەشتەردىڭ سانى ازا تۇتۋ راسىمدەرىنىڭ سانىنا, حالىقتىڭ ءولىم-جىتىمىنە بايلانىستى انىقتالادى. كرەماتوريدىڭ وتكىزۋ قابىلەتى ورتاشا ەسەپپەن ءبىر كرەماتسيالاۋعا ءبىر ساعات ەسەبىنەن انىقتالادى.

جەرلەۋ بيۋروسى — بۇل جەرلەۋ ماقساتىنداعى وبەكتىلەردى قۇرۋعا جانە پايدالانۋعا, سونداي-اق جەرلەۋ مەن كرەماتسيالاۋدى ۇيىمداستىرۋعا جانە وتكىزۋگە بايلانىستى سالتتىق, زاڭدىق, وندىرىستىك, سالتتىق جانە باسقا دا ىلەسپە قىزمەتتەردى كورسەتۋ جونىندەگى قىزمەتتى قامتيتىن شارۋاشىلىقتىڭ نەمەسە ونىڭ سۋبەكتىسىنىڭ سالاسى.

كرەماتوري — قايتىس بولعان ادامداردى كرەماتسيالاۋعا (ورتەۋگە)  ارنالعان پەشتەرمەن جابدىقتالعان تەحنولوگيالىق كەشەن.

كولۋمباري – قايتىس بولعان ادامداردى كرەماتسيالاۋدان كەيىنگى ك ۇلى بار ۋرنالاردى ساقتاۋ ورنى.

جابىق زيراتتار مەن جەرلەنگەن مەموريالدىق كەشەندەر ءۇشىن ءبىرىنشى تۇرعىن جانە قوعامدىق عيماراتتارعا, سپورتتىق-ساۋىقتىرۋ جانە ساناتوريالىق-كۋرورتتىق ايماقتارعا دەيىنگى قاشىقتىق كەمىندە 100 مەتردى قۇرايدى, دەلىنگەن قۇجاتتا.

قۇجات «اشىق نقا» پورتالىندا https://legalacts.egov.kz/npa/view?id=15297219 2 جەلتوقسانعا دەيىن جاريا تالقىلاۋدا بولادى.