جاڭالىقتار
ەلىمىزدە موپەد ايدايتىندارعا جۇرگىزۋشى كۋالىگىن الۋ مىندەتتەلمەك
ىشكى ىستەر ۆيتسە-ءمينيسترى يگور لەپەحانىڭ ايتۋىنشا, موپەدتى ايداۋ ءۇشىن ا1 ساناتىنداعى جۇرگىزۋشى كۋالىگىن الۋ جانە 16 جاستان اسۋ كەرەك. وسىدان كەيىن موپەدتەردىڭ ءبارىن تىركەپ, ەسەپكە قويامىز دەيدى.
“موپەد جۇرگىزۋشىلەرىن انىقتاۋ قيىن. ولار دا سوعان ۇيرەنىپ العان – ەشكىم تانىمايدى, تىركەمەيدى, ۇستامايدى. ەگەر اۆتوكولىك جۇرگىزۋشىسى ماس كۇيدە ۇستالسا ءبىز ونى 7 جىل كولىك ايداۋ قۇقىعىنان ايىرامىز. جۇرگىزۋشى كۋالىگىنەن ايىرىلعانداردىڭ كوبى موپەدكە “وتىرادى”, سەبەبى ولارعا قوعامدىق ورىندا ماس كۇيدە جۇرگەنى ءۇشىن تەك 5 اەك ايىپپۇل سالىنادى – بولدى”, – دەدى يگور لەپەحا.
