Elimizde moped aıdaıtyndarǵa júrgizýshi kýáligin alý mindettelmek

Ishki ister vıe-mınıstri Igor Lepehanyń aıtýynsha, mopedti aıdaý úshin A1 sanatyndaǵy júrgizýshi kýáligin alý jáne 16 jastan asý kerek. Osydan keıin mopedterdiń bárin tirkep, esepke qoıamyz deıdi. 

“Moped júrgizýshilerin anyqtaý qıyn. Olar da soǵan úırenip alǵan – eshkim tanymaıdy, tirkemeıdi, ustamaıdy. Eger avtokólik júrgizýshisi mas kúıde ustalsa biz ony 7 jyl kólik aıdaý quqyǵynan aıyramyz. Júrgizýshi kýáliginen aıyrylǵandardyń kóbi mopedke “otyrady”, sebebi olarǵa qoǵamdyq orynda mas kúıde júrgeni úshin tek 5 AEK aıyppul salynady – boldy”, – dedi Igor Lepeha.