جاڭالىقتار
ەلىمىزدە تانىمال ماسكەۋ ينستيتۋتىنىڭ فيليالى اشىلادى
فوتو: اقوردا
بۇل تۋرالى قاسىم-جومارت توقاەۆ «ەۋرازيا كەڭىستىگىندەگى ورنىقتى دامۋ جانە قاۋىپسىزدىك» اتتى كونفەرەنتسيادا ايتتى, دەپ حابارلايدى qandastar.kz.
پرەزيدەنت قازاقستان مەن رەسەي حالىقتارى اراسىنداعى دوستىق بايلانىستاردى نىعايتۋدا ءبىلىم سالاسىنىڭ ماڭىزى زور ەكەنىن اتاپ ءوتتى. سوزىنشە, قازىر رەسەيدە 60 مىڭنان استام قازاقستاندىق ستۋدەنت وقيدى.
«بۇگىندە ەلىمىزدە رەسەيدىڭ تانىمال جوعارى وقۋ ورىندارىنىڭ فيليالدارى تابىستى جۇمىس ىستەپ كەلەدى. قازاقستاندا ماسكەۋ مەملەكەتتىك حالىقارالىق قاتىناستار ينستيتۋتىنىڭ فيليالىن اشۋ جوسپارلانىپ وتىر», – دەدى قاسىم-جومارت توقاەۆ.
جيىنعا قازاقستان مەن رەسەيدىڭ كورنەكتى عالىمدارى, ديپلوماتيالىق قىزمەت ارداگەرلەرى, مەملەكەتتىك ورگاندار مەن مەكەمەلەردىڭ باسشىلارى, ساياساتتانۋشىلار جانە جاستار ۇيىمدارىنىڭ وكىلدەرى قاتىستى.
