Elimizde jańa mereke paıda bolady

Foto: ashyq derekkóz

3 qyrkúıekti tazy men tóbet syndy qazaq ıt tuqymdarynyń kúni etip bekitý usynyldy, dep habarlady qandastar.kz

Bul bastamany ekologııa mınıstrligi kóterdi. Buıryq «Ashyq NQA» portalynda jarııalandy.

«Tazy men tóbet – qazaqtyń baıyrǵy ıt tuqymdary, qazaq halqynyń maqtanyshy, «Jeti qazyna» biri. Tazy adamnyń ań aýlaýdaǵy taptyrmas kómekshisi, sonymen qatar tóbet – ata-babalarymyzdyń otary men múlkin qyraǵy qorǵaýshysy. Bul tuqymdar bizdiń tarıhymyzben baılanysty jáne olardyń shyǵý tegi ǵasyrlar qoınaýynan bastaý alady», – delingen mınıstrliktiń qujatynda.