ەلىمىزدەگى قىزمەت كورسەتۋ باعاسى تىم اسپانداپ بارادى

فوتو: mail.kz

بيىلعى جىلدىڭ ماۋسىم ايىندا قىزمەت كورسەتۋ باعاسىنىڭ ءوسىمى جىلدىق ماندە 13,8%-عا جەتتى, دەپ حابارلايدى Orda.kz  

2024 جىلدىڭ ماۋسىم ايىندا قىزمەت كورسەتۋ باعاسىنىڭ ءوسۋى جىلدىق ماندە 13,8%-عا جەتتى. ولار تاۋار باعاسىنان دا جىلدام وسە باستادى: جالپى تۇتىنۋشىلىق ينفلياتسيا 2024 جىلدىڭ ءبىرىنشى جارتىجىلدىعىندا 8,4% بولدى.

ەڭ كوپ قىمباتتاعان كوممۋنالدىق قىزمەت باعاسى: ولار ءۇشىن تاريف ءبىر جىلدا 30%-43%-عا ءوستى.

ماۋسىم ايىندا تۇرعىن ءۇيدى جالعا بەرۋ 11,1%-عا, امبۋلاتوريالىق قىزمەت كورسەتۋ – 12,7%-عا, بايلانىس – 8%-عا, ءبىلىم بەرۋ – 8,3%-عا, دەمالىس جانە ويىن-ساۋىق – 12,4%-عا قىمباتتادى.

ۇلتتىق ستاتيستيكا بيۋروسىنىڭ ىرىكتەمەلى زەرتتەۋلەرى ناتيجەلەرى بويىنشا قىزمەتتەر قازاقستاندىق وتباسىلاردىڭ بارلىق شىعىندارىنىڭ بەستەن ءبىر بولىگىن قۇرايدى. بۇل 2020 جىلدان بەرگى ەڭ جوعارى توقساندىق كورسەتكىش.

بيىلعى جىلدىڭ قاڭتار-ناۋرىز ايلارىندا ءۇي شارۋاشىلىعىنداعى اقشالاي شىعىنداردىڭ جارتىسىنان استامى ازىق-ت ۇلىككە (50,5%), تاعى 21%-دان استامى كيىم-كەشەك, اياق كيىم, تۇرمىستىق حيميا جانە باسقا دا ازىق-ت ۇلىك ەمەس تاۋارلارعا جۇمسالدى.

2024 جىلدىڭ ءبىرىنشى توقسانىندا قىزمەت كورسەتۋگە جۇمسالعان شىعىنداردىڭ ەڭ جوعارى كولەمى استانا مەن الماتى قالالارى تۇرعىندارى اراسىندا تيىسىنشە 25,3% جانە 24,3% بولىپ بايقالدى. بۇل تارماق بويىنشا قارجىنى از جاراتقان ۇلىتاۋ (14,2%), اتىراۋ (14,6%) جانە جەتىسۋ (15,1%) وبلىستارى تۇرعىندارى.

2024 جىلدىڭ ءبىرىنشى توقسانىندا كورسەتىلگەن قىزمەت كولەمى 2,8 ترلن. تەڭگە بولسا, 2023 جىلدىڭ سايكەس كەزەڭىمەن سالىستىرعاندا 26,4%-عا وسكەن.

جالپى, وتكەن جىلى كاسىپكەرلەر مەن ۇيىمدار حالىققا 12,3 ترلن. تەڭگەگە قىزمەت كورسەتكەن. ول 2022 جىلمەن سالىستىرعاندا 30%-عا قىمبات.