ەلىمىزدىڭ ءۇش وڭىرىندە ۇسىك جۇرەدى

«قازگيدرومەت» رمك-دان حابارلاعانداي, سولتۇستىك قازاقستان, پاۆلودار وبلىستارىنىڭ كەي جەرىندە جەلدىڭ ەكپىنى 30 م/س جانە ودان دا جوعارىعا جەتۋى مۇمكىن. جەكەلەگەن اۋماقتا نايزاعاي كۇتىلەدى. سولتۇستىك قازاقستان وبلىسىندا بۇرشاق جاۋى ىقتيمال.

قوستاناي, اقمولا وبلىستارىندا, سونداي-اق جەلدىڭ كۇشى 30 م/س جانە ودان كوپ بولۋى ىقتيمال. كەي جەردە نايزاعاي كۇتىلەدى. قوستاناي وبلىسىنىڭ جەكەلەگەن اۋماعىندا تۇمان, بۇرشاق بولجانادى.

اتىراۋ وبلىسىنىڭ كەي جەرىندە نايزاعاي ويناپ, بۇرشاق جاۋادى. تۇندە جەل 17-22 م/س, كۇندىز 15-20 م/س بولادى. كەي جەردە ەكپىنى 23-28 م/س كۇشەيەدى.

اقتوبە, باتىس قازاقستان, شىعىس قازاقستان وبلىستارىنىڭ كەي جەرىندە تۇندە جەل 15-23 م/س, كۇندىز 15-20 م/س, كەي جەردە 23-28 م/س كۇشەيۋى مۇمكىن. شىعىس قازاقستان وبلىسىندا نايزاعاي كۇتىلەدى. كۇندىز اقتوبە وبلىسىندا شاڭدى داۋىل تۇرادى.

قاراعاندى وبلىسىندا جەل 23-28 م/س ارتادى, تۇندە كەي جەرىندە نايزاعاي وينايدى.

جامبىل, قىزىلوردا وبلىستارىنىڭ كەي جەرىندە جەلدىڭ كۇشى 15-20 م/س جەتەدى. جامبىل, تۇندە قىزىلوردا وبلىستارىنىڭ كەي جەرىندە نايزاعاي ويناپ, داۋىل تۇرادى. جامبىل وبلىسىندا بۇرشاق جاۋى ىقتيمال.

تۇركىستان وبلىسىنىڭ كەي جەرىندە جەل 15-20 م/س كۇشەيەدى, شاڭدى داۋىل كۇتىلەدى, تۇندە جانە تاڭەرتەڭ كەي جەردە نايزاعاي ويناپ, داۋىل تۇرادى.

الماتى وبلىسىنىڭ تاڭەرتەڭ جانە كۇندىز كەي جەرىندە نايزاعاي, 15-20 م/س ەكپىندەگى جەل كۇتىلەدى.

اقمولا, قوستاناي, سولتۇستىك قازاقستان وبلىستارىنىڭ كەي جەرىندە تۇندە 1-3 گرادۋس ۇسىك جۇرەدى.

سونداي-اق قىزىلوردا, تۇركىستان وبلىستارىندا, جامبىل, كاراعاندى وبلىستارىنىڭ كەي جەرىندە, باتىس قازاقستان, شىعىس قازاقستاننىڭ جەكەلەگەن اۋدانىندا وتە جوعارى ءورت قاۋپى ساقتالادى.