Jańalyqtar
Elimizdiń úsh óńirinde úsik júredi
Qazaqstannyń basym bóliginde frontaldy bólikterdiń ótýine baılanysty qubylmaly kún raıy kútiledi. Keı jerde naızaǵaı oınap, jańbyr jaýady, daýyl kútiledi. Túnde soltústik-batysta tuman bolady. Respýblıkanyń jekelegen óńirinde jel kúsheıip, shańdy daýyl turady, burshaq jaýýy yqtımal.
«Qazgıdromet» RMK-dan habarlaǵandaı, Soltústik Qazaqstan, Pavlodar oblystarynyń keı jerinde jeldiń ekpini 30 m/s jáne odan da joǵaryǵa jetýi múmkin. Jekelegen aýmaqta naızaǵaı kútiledi. Soltústik Qazaqstan oblysynda burshaq jaýýy yqtımal.
Qostanaı, Aqmola oblystarynda, sondaı-aq jeldiń kúshi 30 m/s jáne odan kóp bolýy yqtımal. Keı jerde naızaǵaı kútiledi. Qostanaı oblysynyń jekelegen aýmaǵynda tuman, burshaq boljanady.
Atyraý oblysynyń keı jerinde naızaǵaı oınap, burshaq jaýady. Túnde jel 17-22 m/s, kúndiz 15-20 m/s bolady. Keı jerde ekpini 23-28 m/s kúsheıedi.
Aqtóbe, Batys Qazaqstan, Shyǵys Qazaqstan oblystarynyń keı jerinde túnde jel 15-23 m/s, kúndiz 15-20 m/s, keı jerde 23-28 m/s kúsheıýi múmkin. Shyǵys Qazaqstan oblysynda naızaǵaı kútiledi. Kúndiz Aqtóbe oblysynda shańdy daýyl turady.
Qaraǵandy oblysynda jel 23-28 m/s artady, túnde keı jerinde naızaǵaı oınaıdy.
Jambyl, Qyzylorda oblystarynyń keı jerinde jeldiń kúshi 15-20 m/s jetedi. Jambyl, túnde Qyzylorda oblystarynyń keı jerinde naızaǵaı oınap, daýyl turady. Jambyl oblysynda burshaq jaýýy yqtımal.
Túrkistan oblysynyń keı jerinde jel 15-20 m/s kúsheıedi, shańdy daýyl kútiledi, túnde jáne tańerteń keı jerde naızaǵaı oınap, daýyl turady.
Almaty oblysynyń tańerteń jáne kúndiz keı jerinde naızaǵaı, 15-20 m/s ekpindegi jel kútiledi.
Aqmola, Qostanaı, Soltústik Qazaqstan oblystarynyń keı jerinde túnde 1-3 gradýs úsik júredi.
Sondaı-aq Qyzylorda, Túrkistan oblystarynda, Jambyl, Karaǵandy oblystarynyń keı jerinde, Batys Qazaqstan, Shyǵys Qazaqstannyń jekelegen aýdanynda óte joǵary órt qaýpi saqtalady.
