ەلىمىزدىڭ جاڭا باس سانيتار دارىگەرى تاعايىندالدى

فوتو: اشىق دەرەككوز

قازاقستان ۇكىمەتىنىڭ قاۋلىسىمەن سارحات ساعىنتايقىزى بەيسەنوۆا دەنساۋلىق ساقتاۋ مينيسترلىگى سانيتاريالىق-ەپيدەميولوگيالىق باقىلاۋ كوميتەتىنىڭ توراعاسى – قر باس مەملەكەتتىك سانيتارلىق دارىگەرى قىزمەتىنە تاعايىندالدى. بۇل تۋرالى Qandastar.kz ۇكىمەتتىڭ ءباسپاسوز قىزمەتى حابارلادى.

سارحات بەيسەنوۆا 1972 جىلى اقمولا وبلىسىندا دۇنيەگە كەلگەن. قاراعاندى مەملەكەتتىك مەديتسينا ينستيتۋتىن, تۇران-استانا ۋنيۆەرسيتەتىن بىتىرگەن. ەڭبەك جولىن 1989 جىلى اقمولا وبلىستىق ونكولوگيا ديسپانسەرىندە سانيتار بولىپ باستاعان. 2020 جىلدان باستاپ قازىرگى ۋاقىتقا دەيىن — استانا قالاسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى.