ەلوردادا اۋقىمدى ەكولوگيالىق ناۋقان ءوتىپ جاتىر

ەلوردادا 13 ساۋىردەن بەرى «تازا قازاقستان. استانا – تازالىق پەن ءتارتىپتىڭ ۇلگىسى» اۋقىمدى ەكولوگيالىق ناۋقانى ءوتىپ جاتىر. بۇل اپتا تاريحي-مادەني ەسكەرتكىشتەردىڭ اۋماعىن اباتتاندىرۋ جۇمىستارىنا ارنالدى. اپتالىق شەڭبەرىندە مادەني مۇرا نىساندارى مەن ەسكەرتكىشتەردى, ىرگەلەس اۋلالاردى تازالاۋ جانە رەتكە كەلتىرۋ جۇمىستارى جۇرگىزىلىپ جاتىر.

سەنبىلىككە وقۋشىلار مەن ستۋدەنتتەر, مادەنيەت قايراتكەرلەرى, سپورتشىلار, «جاس سارباز» پاتريوتتىق قوزعالىسىنىڭ مۇشەلەرى مەن اۋعان سوعىسىنىڭ ارداگەرلەرى جانە مەملەكەتتىك قىزمەتكەرلەر قاتىسۋدا.  بەيسەنعالي احانوۆ, «گكات» جانە «ۆكشات» ارداگەرلەر قوعامدىق بىرلەستىگىنىڭ جەتەكشىسى: — بۇگىن ءبىز ارداگەرلەر قوعامى كەڭەس ۋاقىتىندا شەت ەلدەردە اسكەري بورىشىن وتەگەن ازاماتتار, ارداگەرلەر بۇگىنگى قالانىڭ, اكىمشىلىكتىڭ ۇيىمداستىرۋىمەن, ىشكى ساياسات ءبولىمىنىڭ ۇيىمداستىرۋىمەن سەنبىلىككە قاتىسىپ وتىرمىز.

استانادا 50-گە جۋىق تاريحي جانە مادەني ەسكەرتكىش پەن 33 عيمارات بار. تاريحى تەرەڭ نىسانداردىڭ اۋماعىن اباتتاندىرۋ بويىنشا ەلوردادا 40-تان استام ءىس-شارا جوسپارلانعان.

دانيار ەرسۇلتان, ۆولونتەر: — ءبىز مىنا بۇگىنگى «تازا قازاقستان» ساياساتىنا وراي تازالىقتى ساقتاۋ ءۇشىن دوستارىممەن بىرگە سەنبىلىككە شىقتىم.

ايجان تەنەلباي, ۆولونتەر: — ءبىز قالامىزدىڭ ىشىندەگى اۋلالاردى, ساياباقتاردى تازالاۋ ءىس-شارالارىن جۇرگىزىپ جاتىرمىز. اكتسياعا ستۋدەنت دوستارىمدى شاقىرامىن. ەكواكتسياعا تەاتر جانە كينو ارتىستەرى, ەسترادا مەن مەديا سالا وكىلدەرى قاتىسادى. ولار جازۋشىلار اللەياسىن, كەرەي مەن جانىبەك, قانىش ساتباەۆ, اسقار زابيكۋلين ەسكەرتكىشتەرى ماڭىن رەتكە كەلتىرەدى. 20-27 ءساۋىر ارالىعىندا «جاسىل ايماق» اپتالىعى اعاش وتىرعىزۋعا, تال تۇپتەرىن اقتاۋعا ارنالادى.

4 مامىرعا دەيىنگى كەزەڭ «ونەگەلى ۇرپاق» دەپ اتالادى. بۇل اپتادا ارداگەرلەردىڭ اۋلالارى مەن قارتتار ۇيلەرىنىڭ اۋماقتارى كوگالداندىرىلادى. ال ء«مولدىر بۇلاق» اپتالىعىندا سۋ ايدىندارى قوقىستان تازارتىلادى.