ELORDADA AÝQYMDY EKOLOGIIaLYQ NAÝQAN О́TIP JATYR

Elordada 13 sáýirden beri «Taza Qazaqstan. Astana – tazalyq pen tártiptiń úlgisi» aýqymdy ekologııalyq naýqany ótip jatyr. Bul apta tarıhı-mádenı eskertkishterdiń aýmaǵyn abattandyrý jumystaryna arnaldy. Aptalyq sheńberinde Mádenı mura nysandary men eskertkishterdi, irgeles aýlalardy tazalaý jáne retke keltirý jumystary júrgizilip jatyr.

Senbilikke oqýshylar men stýdentter, mádenıet qaıratkerleri, sportshylar, «Jas sarbaz» patrıottyq qozǵalysynyń músheleri men Aýǵan soǵysynyń ardagerleri jáne memlekettik qyzmetkerler qatysýda.  Beısenǵalı Ahanov, «GKÁT» jáne «VKShÁT» ardagerler qoǵamdyq birlestiginiń jetekshisi: — Búgin biz ardagerler qoǵamy keńes ýaqytynda shet elderde áskerı boryshyn ótegen azamattar, ardagerler búgingi qalanyń, ákimshiliktiń uıymdastyrýymen, ishki saıasat bóliminiń uıymdastyrýymen senbilikke qatysyp otyrmyz.

Astanada 50-ge jýyq tarıhı jáne mádenı eskertkish pen 33 ǵımarat bar. Tarıhy tereń nysandardyń aýmaǵyn abattandyrý boıynsha elordada 40-tan astam is-shara josparlanǵan.

Danııar Ersultan, volonter: — Biz myna búgingi «Taza Qazaqstan» saıasatyna oraı tazalyqty saqtaý úshin dostarymmen birge senbilikke shyqtym.

Aıjan Tenelbaı, volonter: — Biz qalamyzdyń ishindegi aýlalardy, saıabaqtardy tazalaý is-sharalaryn júrgizip jatyrmyz. Akııaǵa stýdent dostarymdy shaqyramyn. Ekoakııaǵa teatr jáne kıno ártisteri, estrada men medıa sala ókilderi qatysady. Olar Jazýshylar alleıasyn, Kereı men Jánibek, Qanysh Sátbaev, Asqar Zabıkýlın eskertkishteri mańyn retke keltiredi. 20-27 sáýir aralyǵynda «Jasyl aımaq» aptalyǵy aǵash otyrǵyzýǵa, tal túpterin aqtaýǵa arnalady.

4 mamyrǵa deıingi kezeń «О́negeli urpaq» dep atalady. Bul aptada ardagerlerdiń aýlalary men qarttar úıleriniń aýmaqtary kógaldandyrylady. Al «Móldir bulaq» aptalyǵynda sý aıdyndary qoqystan tazartylady.