Elordadaǵy botanıkalyq baqta balyq qyryldy

Foto:skrın

Astana turǵyndary Botanıkalyq baqtaǵy balyqtardyń qyrylyp jatqanyn vıdeoǵa túsirip alǵan. Qala ákimdigi atalǵan jaǵdaıǵa qatysty túsinik berdi, dep jazdy qandastar.kz

Ákimdik jasandy kólshiktiń balyq ósirýge arnalmaǵanyn aıtty.

«Botanıkalyq baqtaǵy jasandy kólshik áýelde ınjenerlik júıeniń bir bóligi retinde, ıaǵnı kógaldardy sýarý men fontannyń jumysyna bola jasalǵan. Onyń qurylymy balyq ósirýge nemese balyqtyń mekendeýine saı kelmeıdi», – delingen habarlamada.

Sondaı-aq ákimdik bunda balyqtardyń qalaı kelgenin túsindirdi.

«Bul sý kózi «Nura» kanaly arqyly toltyrylyp otyrady, kishkene shabaqtar sol jolmen kólshikke túsken bolýy múmkin. Kanaldan sý keletin jolda arnaıy tosqaýyl tor qoıylǵan. Ol iri balyqtardyń ótýine jol bermegenmen, ýyldyryqtar men shabaqtardy tosa almaıdy. Buǵan deıin (2022 jyly) sýdaǵy jándikterdi saqtaý úshin qys mezgilinde muzdy burǵylaý jumystary júrgizildi. Biraq sý kózi jasandy bolǵandyqtan jáne taıaz bolýy sebepti bul tásil paıda bermedi. Kólshik tabanyna deıin muz bop qatyp qaldy», – delingen málimdemede.