ELORDADAǴY ULTTYQ AKADEMIIaLYQ KITAPHANADA TEGIN TRENINGTER UIYMDASTYRYLADY

Elordadaǵy Ulttyq akademııalyq kitaphanada oqyrmandar úshin tegin trenıngter men sheberlik saǵattary uıymdastyrylatyn boldy. Bul týraly Mádenıet jáne aqparat mınıstrliginiń Qoldanbaly etnosaıası zertteýler ınstıtýty men kitaphana arasyndaǵy yntymaqtastyq týraly memorandýmǵa qol qoıý kezinde aıtyldy.

Memleket basshysy Ulttyq Quryltaıdyń úshinshi otyrysynda «Biz, eń aldymen, jastardy kitap oqýǵa baýlýymyz kerek. Sonda, jappaı kitap oqıtyn ultqa aınalamyz» degen bolatyn. Atalǵan memorandým osy bastamaǵa serpin bereri sózsiz. Aıta keteıik, elektrondy materıaldardy qospaǵanda 1 jarym mıllıon kitap qory bar kitaphanaǵa ótken jyldyń ózinde 56 myń oqyrman kelgen. «Interaktıvti formattaǵy jobalar bul kórsetkishti eseleıdi», — deıdi jıynǵa qatysýshylar.  Ǵazıza Nurǵalıeva, QR Ulttyq akademııalyq kitaphana basshysy: — Mysaly, ótkende podkast týraly shara jasadyq. Ol jerge zań ınstıtýtynan da keldi, medıınadan da keldi. Ádebıettanýshylar da keldi.

Qazirgi jastar, HHI ǵasyrdyń jastary men tek dáriger ekenmin ne zańger ekenmin dep turmaıdy. Qosymsha ilimdi ıgerýge beıim. Talǵat Qalıev, qoldanbaly etnosaıası zertteýler ınstıtýty dırektory: — Qaqtyǵystaný, kelissózder júrgizý, ártúrli manıpýlıaııaǵa kirip ketpeýdiń joldary, áleýmettik jelilerde jumys isteý, personaldyq brendti damytý, emoıonaldyq ıntellekt, áleýmettik psıhologııa sonyń bárinen bizde mamandar bar. Oqyrmandarmen kezdesip, qandaı suranys bolady, suranys boıynsha sondaı mamandar kelip, kezdesý ótkizip, suraqtaryna jaýap berip turady. Qazir kez kelgen jerde trenıng ótip jatady. Ol trenıngtiń bári aqyly. Bizde ol aqysyz. Tek qana kitaphanaǵa kelse boldy.