جاڭالىقتار
ەلوردالىق پوليتسەيلەر زاڭ بۇزۋشىلىقتى جاڭا ادىسپەن انىقتايتىن بولادى
استانا جولدارىندا 21 اقپاننان باستاپ «Ekin Patrol G2» ءموبيلدى اپپاراتتىق-باعدارلامالىق كەشەنىمەن جابدىقتالعان 5 ەكيپاج پاترۋلدەيدى, بۇل قالادا جول قوزعالىسى قاۋىپسىزدىگىن قامتاماسىز ەتۋگە مۇمكىندىك بەرەدى, دەپ حابارلايدى ەلوردا اكىمدىگىنىڭ رەسمي سايتى.
«Ekin Patrol G2» كەشەنىنىڭ قاراما-قارسى جانە ءبىر باعىتتا كەلە جاتقان اۆتوكولىكتەردىڭ جىلدامدىق رەجيمىن بۇزۋشىلىقتاردى تىركەۋدىڭ بىرەگەي مۇمكىندىگى بار.
سونداي-اق 360 گرادۋسقا جان-جاعىن شولىپ قارايتىن پانورامالىق باقىلاۋ كەشەنى ارقىلى ىزدەۋدە جۇرگەن كولىك قۇرالدارىن تانۋعا بولادى. بۇل فۋنكتسيا وسىنداي اۆتوكولىكتەردى ۇستاۋعا جەدەل ارەكەت جاساۋعا ىقپال ەتەدى.
كەشەننىڭ ءموبيلدى ءارى كوپ فۋنكتسيونالدى بولۋى ەسەبىنەن بۇزۋشىلىقتاردى تىركەيتىن ستاتسيونارلىق كامەرالارى جوق كوشەلەردىڭ ۋچاسكەلەرىندە جىلدامدىق رەجيمىن بۇزۋشىلىقتار تىركەلەتىن بولادى.
جالپى ەنگىزىلىپ جاتقان باعدارلاما جول قاۋىپسىزدىگى دەڭگەيىن ارتتىرۋعا جانە قوعامدىق ءتارتىپتىڭ قامتاماسىز ەتىلۋىن باقىلاۋعا مۇمكىندىك بەرەدى.
