«Em alyp jatqan adamǵa qatigezdik tanyttyq»: Balaeva Sara Nazarbaeva týraly aıtty

Mádenıet jáne aqparat mınıstri Aıda Balaeva Sara Nazarbaevaǵa qatysty aqparattyq aǵyndardy synǵa aldy. Onyń aıtýynsha, em alyp jatqan adam týraly rastalmaǵan aqparat taratý — adamı turǵydan durys emes áreket, dep habarlaıdy Qandastar.kz aqparat portaly.

«Menińshe, biz em alyp jatqan adamǵa óte qatigezdik tanyttyq. Shynymdy aıtsam, bul istiń egjeı-tegjeıin bilmeımin, óıtkeni bul – adamnyń jeke ómiri. Biraq adam óldi degen aqparatty taratý – bul qatigezdik», – dedi mınıstr jýrnalısterge bergen suhbatynda.

Aıda Balaeva resmı málimetterdi kútpeı, boljam negizinde jańalyq taratýdyń qaýipti ekenin atap ótti. Ol Nursultan Nazarbaevtyń baspasóz hatshysy Aıdos Úkibaıdyń Sara Alpysqyzynyń qaıtys bolmaǵanyn resmı túrde joqqa shyǵarǵanyn «durys qadam» dep baǵalady.

«Eger qaıtys bolsa, resmı túsinikteme mindetti túrde beriler edi. Aqparatty árdaıym senimdi derekkózderden alý kerek», – dedi mınıstr.

Mınıstrden Sara Nazarbaevaǵa qatysty naqty derekterdiń ne sebepti berilmeı otyrǵany jóninde de suraldy. Bul suraqqa jaýap bere otyryp, Aıda Balaeva:

«Biz de egjeı-tegjeıge qanyq emespiz», – dep qysqa qaıyrdy.