الەم جاڭالىقتارىجاڭالىقتار
Embraer-190 ۇشاعىنىڭ برازيلياداعى ارنايى وكىلدەرى اقتاۋعا كەلدى
فوتو: كولىك مينيسترلىگى
28 جەلتوقساندا اقتاۋ قالاسىنا برازيليانىڭ اۆياتسيالىق وقيعالاردى تەرگەۋ جانە الدىن الۋ ورتالىعى (CENIPA) وكىلدەرى ۇشىپ كەلدى, دەپ حابارلايدى qandastar.kz
«تەرگەپ-تەكسەرۋ جونىندەگى كوميسسيانىڭ شتابىندا جينالىس ءوتتى, وندا بىرلەسكەن مىندەتتەر ايقىندالدى», دەلىنگەن كولىك مينيسترلىگى حابارلاماسىندا.
برازيليانىڭ اۆياتسيالىق وقيعالاردى تەرگەۋ جانە الدىن الۋ ورتالىعى (CENIPA) – ازاماتتىق اۆياتسيادا ورىن العان اۆياتسيالىق وقيعالاردى تەرگەۋمەن اينالىساتىن ۋاكىلەتتى ورگان.
برازيليانىڭ اۆياتسيالىق وقيعالاردى تەرگەۋ جانە الدىن الۋ ورتالىعى (CENIPA) – ازاماتتىق اۆياتسيادا ورىن العان اۆياتسيالىق وقيعالاردى تەرگەۋمەن اينالىساتىن ۋاكىلەتتى ورگان.
ايتا كەتسەك, قايعىلى وقيعا 25 جەلتوقساندا تۇستە بولدى. باكۋدەن گروزنىيعا باعىت العان ازەربايجان اۋە كومپانياسىنا تيەسىلى جولاۋشىلار ۇشاعى اقتاۋ اۋەجايىنىڭ ماڭىندا اپاتقا ۇشىرادى. سوڭعى اقپارات بويىنشا, 67 ادامنىڭ 29-ى امان قالدى, 38 جولاۋشى قازا تاپتى, ولاردىڭ ىشىندە ۇشاق ەكيپاجى دا بار. ۇشاقتا قازاقستاننىڭ التى ازاماتى بولعانى بەلگىلى بولدى, وكىنىشكە قاراي ولاردىڭ بارلىعى مەرت بولدى. اپاتتىڭ ءمان-جايىن تەكسەرۋ بويىنشا ۇكىمەتتىك كوميسسيا قۇرىلدى. وقيعا ورنىنان «قارا جاشىك» تابىلدى, ال ول ۇشاقتى جاساپ شىعارۋشى – برازيليادان ساراپشىلار كەلگەندە ءبىر-اق اشىلاتىنى ايتىلعان.
