ەممانيۋەل ماكروننىڭ قازاقى تازىلارمەن تۇسكەن سۋرەتى جاريالاندى

فوتوسۋرەتتە فرانتسيا پرەزيدەنتىنىڭ جانىندا ءۇش يت تۇر, ونىڭ ەكەۋى — تازى.

ايتا كەتەيىك, بىلتىر قاراشا ايىندا مەملەكەت باسشىسىنىڭ شاقىرۋىمەن استاناعا ساپارمەن كەلگەن فرانتسيا پرەزيدەنتى ەتنواۋىل كورمەسىن ارالاپ كورىپ, قازاق حالقىنىڭ باي مادەني مۇراسىمەن تانىسقان ەدى.

كورمە ورتالىعىن تاماشالاۋ بارىسىندا ەممانيۋەل ماكرونعا قازاقى تازىنىڭ تۇقىمى ەرەكشە ۇناعان بولاتىن. سول كەزدە قاسىم-جومارت توقاەۆ فرانتسيالىق ارىپتەسىنە تازى سىيلاۋعا ۋادە بەرگەن ەدى.

بۇل رەتتە مەملەكەت باسشىسى قاسىم-جومارت توقاەۆ فرانتسيا پرەزيدەنتى ەممانيۋەل ماكرونعا سىيلاعان قازاقى تازىنىڭ ەكى كۇشىگى فرانتسياعا جەتكىزىلدى.

تازى كۇشىكتەرىنە جيۋل جانە جاننا دەگەن ات قويىلعانى ءمالىم بولدى.