Eńbek mınıstri járdemaqyǵa qatysty pikir bildirdi

Foto: ashysh derekkóz

Svetlana Jaqypovanyń sózinshe, ár balaǵa 70 myń teńge tólem úshin 3 trln teńge qarajat qajet, dep jazady qandastar.kz

“Elimizde 5 mln bala bar. Olarǵa mundaı tólem jasaýǵa 3 trln teńge kerek bolady. Bizde ondaı múmkindik bar ma? Bul salyqty 10 paıyz emes, 20 paıyzǵa ósirý kerek degen sóz. Biz oǵan daıynbyz ba? Qazir jergilikti deńgeıde baǵdarlamalar kóp. Bıýdjet boıynsha aýdıt ótkizgende járdemaqylardyń 144 túri bar ekenin anyqtadyq”, – dedi Svetlana Jaqypova. 

Esterińizde bolsa, májilis depýtaty Gaýhar Tanasheva ár balaǵa 70 myń teńge kóleminde memlekettik járdemaqy taǵaıyndaýdy usynyp, saýal joldaǵan bolatyn.