ەڭبەكشىقازاق اۋدانىنىڭ 54 ەلدىمەكەنى 5 جىلدا گازعا قوسىلادى

بۇل تۋرالى بۇگىنگى وتكەن كوشپەلى ءباسپاسوز ءماسليحاتىندا اۋدان اكىمى التاي دوسىمباەۆ ايتتى.

بريفينگتە بىرقاتار الەۋمەتتىك ماسەلەلەر كوتەرىلدى. ونىڭ ءبىرى — اۋىلداردى گازداندىرۋ. قازىرگى تاڭدا اۋدانداعى 64 ەلدىمەكەننىڭ 14%-ى عانا گازعا قوسىلعان نەمەسە 25 مىڭ ابونەنتتىڭ 8,7 مىڭى عانا كوگىلدىر وتىنمەن قامتىلعان.

«اۋقات ينۆەست» اتتى جەكە ينۆەستور كومپانياسى 5 اۋىلعا گاز تارتۋ ءۇشىن جوبالىق-سمەتالىق قۇجاتىن دايىنداپ جاتىر. جوبا قۇنى اتالعان قۇجات ءازىر بولعاندا انىقتالادى. تاعى 3 جوباعا قاراجات ءبولىندى. سونىمەن قاتار 54 ەلدىمەكەندى تولىق قامتۋ ماقساتىندا وسى كومپانيا ينۆەستيتسيالىق جوبا ازىرلەپ جاتقانىن ايتا كەتكەن ءجون. الدىمەن جوعارىدا اتالعان 5 اۋىل, كەيىننەن كەزەڭ-كەزەڭىمەن قالعان اۋىلدار كوگىلدىر وتىنعا قوسىلادى. بۇل جوسپار 5 جىلعا جالعاسادى. گازعا قوسىلۋ باعاسى شامامەن 350 مىڭ تەڭگە بولماق”, — دەدى اكىم.

سونداي-اق اكىم كوپقاباتتى ۇيلەردى جىلۋمەن قامتۋ ءۇشىن 16 بلوكتىق-مودۋلدىق قازاندىقتار ورنالاستىرۋ جوسپارلانعانىن ايتتى. بۇگىنگى تاڭدا 15-ءنىڭ قۇرىلىسى اياقتالدى, 1-ءۋىنىڭ قۇجاتىنا وزگەرىستەر ەنگىزىلىپ جاتىر. اتالعان جوسپار مەملەكەتتىك باعدارلاما اياسىندا ىسكە اسىرىلعان.