Eńbekshiqazaq aýdanynyń 54 eldimekeni 5 jylda gazǵa qosylady

Bul týraly búgingi ótken kóshpeli baspasóz máslıhatynda aýdan ákimi Altaı Dosymbaev aıtty.

Brıfıngte birqatar áleýmettik máseleler kóterildi. Onyń biri — aýyldardy gazdandyrý. Qazirgi tańda aýdandaǵy 64 eldimekenniń 14%-y ǵana gazǵa qosylǵan nemese 25 myń abonenttiń 8,7 myńy ǵana kógildir otynmen qamtylǵan.

«Aýqat Invest» atty jeke ınvestor kompanııasy 5 aýylǵa gaz tartý úshin jobalyq-smetalyq qujatyn daıyndap jatyr. Joba quny atalǵan qujat ázir bolǵanda anyqtalady. Taǵy 3 jobaǵa qarajat bólindi. Sonymen qatar 54 eldimekendi tolyq qamtý maqsatynda osy kompanııa ınvestıııalyq joba ázirlep jatqanyn aıta ketken jón. Aldymen joǵaryda atalǵan 5 aýyl, keıinnen kezeń-kezeńimen qalǵan aýyldar kógildir otynǵa qosylady. Bul jospar 5 jylǵa jalǵasady. Gazǵa qosylý baǵasy shamamen 350 myń teńge bolmaq”, — dedi ákim.

Sondaı-aq ákim kópqabatty úılerdi jylýmen qamtý úshin 16 bloktyq-modýldyq qazandyqtar ornalastyrý josparlanǵanyn aıtty. Búgingi tańda 15-niń qurylysy aıaqtaldy, 1-ýiniń qujatyna ózgerister engizilip jatyr. Atalǵan jospar memlekettik baǵdarlama aıasynda iske asyrylǵan.