جاڭالىقتار
ەندى الاياقتار راسىمدەگەن نەسيەلەردى بانكتەر وتەيدى
فوتو: اشىق دەرەككوز
قارجى نارىعىن رەتتەۋ جانە دامىتۋ اگەنتتىگىنىڭ توراعاسى مادينا ابىلقاسىموۆا ەگەر نەسيە قارىز تولەۋشىنىڭ تىكەلەي قاتىسۋىنسىز راسىمدەلسە, بورىشتى جويۋ مۇمكىندىگى قاراستىرىلاتىنىن ايتتى, دەپ حابارلادى Qandastar.kz.
ءماجىلىس وتىرىسىندا اگەنتتىك توراعاسى الاياقتار راسىمدەگەن نەسيەلەردى وتەۋ مۇمكىندىگى قاراستىرىلىپ جاتقانىن مالىمدەدى. سونىمەن قاتار 2024 جىلدىڭ باسىندا قازاقستاندا نەسيە الۋدان ءوز ەركىمەن باس تارتۋعا جول اشاتىن زاڭ قابىلدانعانىن دا ەسكە سالدى.
«سايكەسىنشە قانداي دا ءبىر جولمەن ازاماتتىڭ جەكە دەرەكتەرى الاياقتاردىڭ قولىنا ءتۇسىپ, نەسيە الۋعا ءوزى قاتىسپاعان جاعدايدا قارىز جويىلادى», – دەدى ابىلقاسىموۆا.
ايتا كەتۋ كەرەك, اگەنتتىك توراعاسى الاياقتار راسىمدەگەن نەسيەنى كەشىرۋ ماسەلەسى ءالى دە تالقىلاناتىنىن جەتكىزدى.
