قارجى جانە تولەمدەر
ەندى بانكتەر اراسىنداعى اۋدارىمدار مەن كارتا شىعارۋ ءۇشىن الىناتىن كوميسسياعا سالىق سالىنباق
فوتو: ستان كز
قازاقستاندا ەندى بانكتەر اراسىنداعى اۋدارىمدار مەن كارتا شىعارۋ قىزمەتى ءۇشىن الىناتىن كوميسسياعا دا سالىق سالىنۋى مۇمكىن. بۇل تۋرالى qandastar.kz Stan.kz اقپارات اگەنتتىگى حابارلايدى.
كەلەسى جىلى كۇشىنە ەنەتىن جاڭا سالىق كودەكسىندە بانكتەردەگى كوميسسياعا سالىق سالۋ كوزدەلگەن.
ۇلتتىق ەكونوميكا مينيسترلىگىنىڭ مالىمدەۋىنشە, ەرەجەنىڭ قاراپايىم ادامدار جاساپ جۇرگەن اۋدارىمدارعا قاتىسى جوق. سالىقتان كوميسسياسىز جۇزەگە اسىرىلعان وپەراتسيالار دا بوساتىلادى.
ۇسىنىلعان بۇل نورمالار بۇگىندە پارلامەنتتىڭ تالقىلاۋىندا جاتىر. ال جاڭا سالىق كودەكسىنىڭ سوڭعى جوباسى 2025 جىلى قابىلدانادى.
جاڭا سالىق كودەكسىنىڭ جوباسىندا ەكىنشى دەڭگەيدەگى بانكتەردىڭ قارجىلىق وپەراتسيالارىنا قولدانىستاعى جەڭىلدىكتى جويۋ جونىندەگى نورما ۇسىنىلادى. ازاماتتار جۇزەگە اسىراتىن اۋدارىمداردىڭ وزىنە سالىق سالىنبايدى.
