ەندى قازاقستاندا ونلاين پەتيتسياعا جازىلعان پىكىرلەر دە تەكسەرىلەدى

فوتو: consult.thurrock.gov.uk

ەلىمىزدە ونلاين پەتيتسياعا جازىلعان پىكىرلەر دە ەسكەرىلىپ, تەكسەرۋدەن وتەدى. بۇل تۋرالى Stan.kz اقپارات اگەنتتىگى «ينفورمبيۋرو» جاڭالىقتار قىزمەتىنە سىلتەمە جاساپ حابارلايدى.

جاڭا وزگەرىستەرگە سايكەس ۇجىمدىق وتىنىشكە پىكىر قالدىرۋ فۋنكتسياسى ساقتالادى. سونداي-اق ءار جازبانى قاداعالاپ, تەكسەرىپ وتىراتىن جاۋاپتى ورگان دا بەلگىلەنەدى.

كوپتىڭ تالقىلاۋىنا شىعارىلعان قۇجات ماتىنىنە قاراعاندا ۋاكىلەتتى ۇيىم ەسەبىندە «ۇلتتىق اقپاراتتىق تەحنولوگيالار» اكتسيونەرلىك قوعامى بەكىتىلمەك. ولار جازىلعان پىكىرگە نە ونىڭ بولىگىنە قاتىستى تۇسكەن شاعىمنىڭ زاڭدىلىعىن انىقتايدى. ەگەر ءتارتىپ بۇزىلعانى ناقتىلانسا, بەس جۇمىس كۇنi iشiندە وپەراتورعا حابار بەرۋ ءتيىس. ال جاۋاپتى وپەراتور ءۇش كۇن ىشىندە جازبانى وشىرەدى نە جاسىرىپ قويادى.