Jańalyqtar
Endi Qazaqstannyń kólikteri Qytaıdyń teńiz porttaryna deıin bara alady
Endi Qazaqstannyń júk kólikteri Qytaıdyń kez kelgen qalasyna emin-erkin kire alady. Májilis búgin eki el arasyndaǵy kólik baǵytyn damytý jónindegi kelisimdi maquldady. Budan alys-beris artyp, júk tasymaly 2-3 esege ulǵaıady degen boljam bar. Qytaı buǵan deıin birde-bir memleketpen mundaı kelisimge qol qoımaǵan.
Aııa Mútáli, tilshi:Qazaqstandyq kólikter buǵan deıin Qytaı shekarasynyń aınalasyndaǵy aımaqtarǵa ǵana baratyn. Odan artyq óte almaıtyn. Endi otandyq júk tasymaldaýshylary Qytaıdyń kez kelgen qalasynda kire alady.
Kásipkerlerdiń porttan taýar alyp, elimizge qysqa merzimde jetkizýge múmkindik bar. Bıyldyń ózinde 200 myń kólikke osyndaı ruqsat berilmek.
Marat Qarabaev, QR Kólik mınıstri:Osy ýaqytqa deıin Qytaı birde bir elge osylaı basqa eldiń kólikterin óz eliniń ishine kirýge múmkindik bermegen. Bul alǵash ret Qazaqstanǵa jasalyp otyrǵan múmkindik. Jáne ol byltyr memleket basshysynyń Sıan qalasyna jasalǵan is-sapary sheńberinde qoıylǵan kelisim-shartqa sáıkes iske asyrylyp otyr.
Kelisimniń taǵy bir tıimdiligi qaǵazbastylyq azaıady. Budan bylaı elektrondy qujatpen qatynaýǵa múmkindik berilmek. Ári kóliktiń qaıda jáne qalaı jetkizilgenin onlaın baqylaý qarastyrylǵan. 30 kúnge deıingi vızasyz rejım de júk tasymaldaýshylarynyń jumysyn jeńildetpek. Degenmen, keden beketinde qatań tekserýden ótedi.
Muqash Eskendirov, QR Parlamenti Májilisiniń depýtaty, «Amanat» frakııasynyń múshesi:Mysaly, men júkti Qytaı memleketine, Shanhaıǵa alyp baratyn bolsam, men aldyn-ala bazaǵa kiremin. Ruqsatyn alamyn. Shekaraǵa kelgende ekijaqty ruqsat qaǵazdarym ýje elektrondy túrde bolady.
Aradaǵy avtokólik logıstıkasyn damytýǵa Qazaqstan da, Qytaı da múddeli. Taraptar taýar aınalymyn 40 mlrd dollardan 100 mlrd dollarǵa jetkizýdi kózdeıdi. Búginde Qazaqstannan shıkizat jáne aýyl sharýashylyq ónimderi eksporttalsa, Qytaıdan kóptegen jabdyqtar men taýar túrleri keledi. Kelisimdegi talaptar eki jaqqa da birdeı. Sondyqtan sarapshylar «Qazaqstan naryǵynda qytaılyq júk kólikteri qaptap ketedi» pikirdi joqqa shyǵardy. Byltyr elimizden 120 myńnan astam júk kóligi ótse, Qytaıdan nebári 6 myńǵa jýyq kólik kirgizilgenin aıtyp otyr.
