ەندى كومىر مەن ءشوپ جارمەڭكەدە ساتىلادى

فوتو: اشىق دەرەككوز

ساۋدا جانە ينتەگراتسيا مينيسترلىگى قازاقستاندا جارمەڭكە مەن كورمە وتكىزۋدىڭ ستاندارتتارىن بەكىتتى, دەپ حابارلادى Qandastar.kz.

ەندى ەلىمىزدە بەس ءتۇرلى جارمەڭكە وتەدى. دالىرەك ايتساق:

• مەكتەپ قۇرالدارى, كومىر, ءشوپ ساتاتىن ماۋسىمدىق جارمەڭكە;
• وتاندىق تاۋار وندىرۋشىلەردى قولدايتىن بەلگىلى ءبىر تاقىرىپ اياسىنداعى جارمەڭكە;
• قولجەتىمدى باعادا ساتاتىن اۋىل شارۋاشىلىق جارمەڭكەلەرى;
• مەملەكەتتىك مەرەكەلەردى تويلاۋعا ارنالعان مەرەكەلىك جارمەڭكە;
• بىرنەشە ايماق قاتىساتىن ايماقتىق كورمەنىڭ ستاندارتتارى بەكىدى.

«ءاربىر جارمەڭكە تۇرىنە ارنالعان كۇنتىزبەلىك كەستە جانە وتكىزۋ مەرزىمى بەلگىلەنگەن. مىسالى, اۋىل شارۋاشىلىق جارمەڭكەلەرى اۋدانداردا كەمىندە ەكى اپتادا ءبىر رەت, رەسپۋبليكالىق جانە وبلىستىق ماڭىزى بار قالالاردا اپتاسىنا كەمىندە ءبىر رەت ءوتۋى كەرەك. ساۋدا ورىندارى تەگىن بەرىلەدى. شاراعا قاتىسقىسى كەلەتىندەردىڭ بارلىعى ونلاين ءوتىنىم بەرە الاتىنداي ۇيىمداستىرۋ پروتسەسسىن تسيفرلاندىرۋ كەرەك. باعالار نارىقتىق باعادان تومەن بولادى», – دەپ حابارلادى ۆيتسە-مينيستر ايجان بيجانوۆا.