جاڭالىقتار
ەنەرگەتيكتەر ەنەرگيا ۇنەمدەۋ ءۇشىن ۋاقىتتى ارتقا جىلجىتۋدى قولدادى, بىراق قازاقستاندا ەمەس
كورنەكى سۋرەت
برازيليانىڭ ەنەرگەتيكا سالاسىنداعى باسشىلار ەنەرگيا ۇنەمدەۋ ءۇشىن جازعى ۋاقىتقا اۋىسۋ ماسەلەسىن قولدادى, دەپ حابارلايدى qandastar.kz Ulysmedia.kz سىلتەمە جاساپ.
ەندى جازعى ۋاقىتقا اۋىسۋ كۇشىنە ەنۋى ءۇشىن ونى پرەزيدەنت لۋيس يناسيۋ لۋلا دا سيلۆا قولداۋعا ءتيىس.
قۇرعاقشىلىق
Reuters مالىمەتىنشە, ەلدەگى قۇرعاقشىلىق امازونكا وزىنەنىن توك وندىرەتىن ءىرى گيدروەلەكتروستانسالاردىڭ جۇمىسىنا ەلەۋلى اسەر ەتىپ, ەل ۇلكەن كولەمدە ەنەرگيا يمپورتاۋعا ءماجبۇر بولعان.
Reuters مالىمەتىنشە, لاتىن امەريكاسىندا كۇن جانە جەل ەنەرگياسىن ءوندىرۋ قارقىندى وسكەنىمەن, ەلەكتر قۋاتىنىڭ جارتىسىنان كوبى وزەن مەن كول سۋلارىنان وندىرىلەدى. قۇرعاقشىلىق سالدارىنان سول وزەن, كولدەردەگى سۋ مولشەرى ازايىپ, ەنەرگيا ءوندىرۋ كولەمى قىسقارعان.
قاراشا مەن اقپان ارالىعىندا ۋاقىتتى ءبىر ساعات العا جىلجىتۋ كۇننىڭ جارىق مەزگىلىن كوبىرەك پايدالانۋعا مۇمكىندىك بەرىپ, ەلەكترەنەرگيانى قولدانۋ جۇكتەمەسىن ازايتا تۇسپەك.
جازعى ۋاقىتقا اۋىسۋدى ەلدىڭ بۇرىنعى پرەزيدەنتى جاير بولسونارۋ ەنەرگەتيكا سالاسىنا پايداسى جوق دەپ 2019 جىلى توقتاتىپ تاستاعان.
مەيرامحانالار دا قولدادى
مۇنداي باستامانى ەلدەگى بارلار مەن مەيرامحانالار دا قولداعان. ولاردىڭ ەسەبىنشە, كۇندىزگى ارتىق ءبىر ساعات 18:00-20:00 ارالىعىندا كليەنتتەردىڭ كوبىرەك كەلۋىنە كومەكتەسىپ, ايلىق تابىستى كەمى 10% ارتتىرادى.
الايدا
اۋە كومپانيالارى ۋاقىتتى ءبىر ساعاتقا العا جىلجىتۋ رەيس كەستەسىن قيىنداتىپ, ەكيپاجدى قايتا بازالاۋعا قوسىمشا شىعىن اكەلەتىنىن ايتىپ وتىر.
قازاقستاندا
ۋاقىتتى ءبىر ساعاتقا ارتقا جىلجىتۋ قازاقستاندا دا قىزۋ تالقىلانىپ جاتىر. ۋاقىت 2024 جىلعى 1 ناۋرىزدا 1 ساعاتقا العا اۋىستىرىلعالى ەلدىڭ شىعىسىنداعى تۇرعىندار بىرقاتار كەلەڭسىزدىكتەرگە تاپ بولعان. ول جاقتا تاڭ ەرتە اتىپ, كەش ەرتە تۇسەدى. سونىڭ سالدارىنان اۋىلداعى اعايىن تاڭعى 3 جارىمدا سيىر ساۋىپ, مالدى ورىسكە ەرتە شىعاراتىن بولعان. قاراڭعى ەرتە تۇسەتىندىكتەن ەلەكترەنەرگيا ءۇشىن كوبىرەك تولەپ, قاراڭعىدا ساباقتان قايتاتىن وقۋشىلارعا الاڭدايتىنىن دا جەتكىزگەن. قازاقستاندىقتار وسى ماسەلەگە بايلانىستى ونلاين پەتيتسيا جاريالاپ, وعان قىسقا ۋاقىتتا 50 مىڭ جينالعان. الايدا ۇكىمەت ازاماتتاردىڭ تالاپ-تىلەگىن ەسكەرۋسىز قالدىرىپ, ۋاقىت جىلجىمايتىنىن ءمالىم ەتتى. دەسە دە جۋىردا ماجىلىستە ءبىر توپ دەپۋتات ماسەلەگە قايتا ورالىپ, الداعى ۋاقىتتا پارلامەنتتە وسىنى ارنايى كوتەرەتىنىن مالىمدەگەن.
