ەراسىل قاجىباەۆ «قازاقستان بارىسى – 2024» ءتۋرنيرىنىڭ جەڭىمپازى اتاندى

ەراسىل قاجىباەۆ. فوتو: «قازاقستان بارىسى» ءباسپاسوز قىزمەتى

استانادا وتكەن قازاق كۇرەسىنەن XIII رەسپۋبليكالىق «قازاقستان بارىسى» ءتۋرنيرىنىڭ جەڭىمپازى انىقتالدى. بۇل تۋرالى qandastar.kz KAZ.NUR.KZ-كە سىلتەمە جاساپ حابارلايدى.

استاناداعى «بارىس ارەنا» سپورت كەشەنىندە قازاق كۇرەسىنەن ءحىىى رەسپۋبليكالىق «قازاقستان بارىسى» ءتۋرنيرىنىڭ فينالىندا ەرسۇلتان مۇزاپپاروۆ (شىمكەنت قالاسى) پەن ەراسىل قاجىباەۆ (اباي وبلىسى) بەلدەستى. ناتيجەسىندە «قابانباي» لاقاپاتىمەن بەلگىلى ەراسىل قاجىباەۆ قارسىلاسىنان باسىم ءتۇستى.

ال اتالمىش جارىستىڭ 3-ورىن ءۇشىن بەلدەسۋىندە سايات شامشيەۆ (اباي وبلىسى) پەن ءادىل ورازباەۆ (اسكەر بارىسى) شەبەرلىك بايقاسقان بولاتىن. ناتيجەسىندە سايات شامشيەۆ سوڭعى سەكۋندتاردا قارسىلاسىنان جەڭىستى ج ۇلىپ الدى. ايتا كەتەيىك, ءتۋرنيردىڭ جالپى جۇلدە قورى 27 100 000 تەڭگەنى قۇرايدى, ونىڭ ىشىندە 3 720 000 تەڭگە سپورتشىلاردىڭ جاتتىقتىرۋشىلارىنا بەرىلەدى. جۇلدەلەر كەلەسىدەي بولىنەدى: 1-ورىن ءۇشىن – 15 000 000 تەڭگە, 2-ورىن ءۇشىن – 3 300 000 تەڭگە, 3-ورىن ءۇشىن – 1 080 000 تەڭگە. ءار جەڭىسكە جەتكەن بەلدەسۋى ءۇشىن بالۋان 100 000 تەڭگە الادى.