Erbaıan Muhtardy qaraǵan dárigerlerdiń ústinen qylmystyq is qozǵaldy

Foto: sn.kz

Áskerı qyzmetker Erbaıan Muhtardyń isi boıynsha taǵy bir qylmystyq is qozǵaldy, dep habarlaıdy  qandastar.kz  Skifnews.kz aqparat portaly.

«Erbaıan Muhtardyń isi boıynsha taǵy bir qylmystyq is qozǵaldy. Búgin belgili bolǵandaı, 1 qazan kúni negizgi qylmystyq isten bólek, dárigerlerdiń áreketine qatysty qylmystyq is tirkelip, tergeý bastaldy. Bul is boıynsha da saraptama taǵaıyndaldy. Biz de negizgi is boıynsha saraptamanyń qorytyndysyn kútip otyrmyz. Sizderdiń qoldaýlaryńyzben ádildikti talap ete beremiz», — dep jazdy Imanbaı áleýmettik jelidegi paraqshasynda.

Aıta keteıik, Erbaıan Muhtar ulttyq ulannyń Almaty qalasyndaǵy 5571 áskerı bóliminde áskerı boryshyn ótep júrgen. 2023 jyldyń jeltoqsanynda sarbaz mı jaraqatyn alyp, sodan keıin komaǵa túsken. Áskerıler týystaryna Erbaıannyń dárethanada qulap, basyn edenge soǵyp alǵanyn aıtqan. Alaıda sarbazdyń jaqyndary uldarynyń abaısyzda qulap qalǵanyna senbeıdi. Ishki ister mınıstrligi tergeý barysyn óz baqylaýyna aldy.