ەردوعاننىڭ باستى قارسىلاسى فەتحۋللا گۇلەن اقش-تا قايتىس بولدى

فوتو: اشىق دەرەككوز

يسلام ۋاعىزشىسى جانە فەتو قوزعالىسىنىڭ باسشىسى فەتحۋللاھ گۇلەن پەنسيلۆانيادا قايتىس بولدى, دەپ حابارلادى Qandastar.kz.

فەتحۋللاھ گۇلەن 83 جاستا. ەسكەرە كەتەتىن جايت, تۇركيادا ۋاعىزشى فەتحۋللاح گۇلەننىڭ FETO دەپ اتالاتىن ۇيىمى تەرروريستىك بولىپ سانالادى. ۇيىم 2016 جىلى مەملەكەتتىك توڭكەرىس ۇيىمداستىرماق بولدى دەپ ايىپتالعان بولاتىن.

سوڭعى جىلدارى گۇلەن بۇيرەك جەتكىلىكسىزدىگى, قانت ديابەتى جانە دەمەنتسيامەن كۇرەسىپ كەلەدى.

فەتحۋللاھ گۇلەن 1970 جىلدارى تۇركيادا پايدا بولعان فەتو قوزعالىسىن باسقاردى. ۇيىم يسلامعا پاتسيفيستىك جانە زاماناۋي كوزقاراستى ناسيحاتتايتىنىن ايتتى. قوزعالىس ساياسي ىقپالعا يە بولعىسى كەلدى دەپ ايىپتالدى. FETO قۇرىلىمىنا باق, مەكتەپتەر جانە قايىرىمدىلىق ۇيىمدارى كىرەدى.

ول تەولوگيا جانە پەداگوگيكا بويىنشا عىلىمي ەڭبەكتەردىڭ اۆتورى رەتىندە دە بەلگىلى. 2013 جىلى ول Time جۋرنالىنىڭ (كوممەرسانت) نۇسقاسى بويىنشا الەمدەگى ەڭ ىقپالدى 100 ادامنىڭ تىزىمىنە ەندى.

ايتا كەتەيىك, 1999 جىلدان بەرى اقش-تا تۇرىپ جاتقان گۇلەن كەزىندە ەردوعاننىڭ وداقتاسى بولعان. ەردوعان مەن ونىڭ ءدىني كونسەرۆاتيۆتىك ادىلەت جانە دامۋ پارتياسىنىڭ 2002 جىلى بيلىككە كەلۋىنە كومەكتەسكەن.

الايدا وداقتاستار كوپ ۇزاماي بيلىكتى ءبولىسۋ داۋى جانە ەردوعاننىڭ اۆتوريتارلىق بيلەۋ ءتاسىلى كەسىرىنەن ارازداسىپ قالدى. سول جىلى مامىر ايىندا گۇلەن قوزعالىسى تۇركيادا تەرروريستىك ۇيىم بولىپ جاريالاندى.

2021 جىلدىڭ ساۋىرىندە تۇركيا پروكۋراتۋراسى فەتحۋللاح گۇلەننىڭ ۇيىمىمەن بايلانىسى بار دەگەن كۇدىكپەن 532 ادامدى قاماۋعا الۋعا بۇيرىق بەرگەنى بەلگىلى بولدى, ولاردىڭ 459-ى – اسكەريلەر.